Туҳфа ба ансамблҳои «Навои Бадахшон» ва «Эҳё»

Хоруғ, 24.05.2016  /АМИТ «Ховар»/. Ансамбли  «Эҳё»-и ВМКБ, ки анқариб бо мақсади рушди мусиқӣ ва рақсу таронаҳои мардумӣ таъсис дод шуд, соҳиби  асбобҳои мусиқии миллӣ ва эстрадӣ гардид. Намояндагони Дастгоҳи иҷроияи Президенти кишвар зимни тақдими туҳфа баён доштанд, ки фарҳанг яке аз рукнҳои аслии миллат аст ва барои зинда нигаҳ доштани он ҳар як фарди меҳандӯст бояд саъю талош намояд, зеро рушди бесобиқаи соҳаи коммуникатсионӣ ба фарҳанги миллатҳо таъсири амиқи худро мерасонад.
Раҳбари ансамбли «Навои Бадахшон» Маҳин Назаршоева аз ин туҳфаи Сарвари давлат изҳори хушҳолӣ намуда, гуфт, ки бо баргузор кардани озмун мо беҳтарин ҷавонони боистеъдодро ба ин гурӯҳи ҳунарӣ ҷалб кардем. Мо ба асбобҳои мусиқӣ, ба монанди тору рубоб, таблаку доира ва ҳамчунин асбоби эстрадӣ хеле ниёз доштем. Дар маҷмӯъ ба ансамбли мо ва ансамбли  «Навои Бадахшон» ба маблағи зиёда аз 20 ҳазор сомонӣ асбоби мусиқӣ тақдим карда шуд.