ВАО: теъдоди қурбониёни таркиш дар шаҳри Баакубаи Ироқ ба 16 нафар расид

Душанбе, 10.05.2016 /АМИТ «Ховар»/. Дар натиҷаи таркише, ки рӯзи 9-май дар шаҳри Баакубаи музофоти Диёлаи Ироқ рух дод, на кам аз 16 нафар ба ҳалокат расида, 54 каси дигар ҷароҳат бардоштанд. Дар ин бора агентии «Рейтер» хабар медиҳад.
Тибқи иттилои манбаъ, мошини бо дастгоҳи тарканда муҷаҳҳаз дар наздикии маркази шаҳр таркидааст. Бино ба гуфтаи кормандони полис ва тиб, миёни қурбониён кӯдакони зиёд ҳастанд.
Дар гузориши агентии «Рейтер» гуфта мешавад, ки масъулияти ин таркишро гурӯҳи террористии ба ном «Давлати исломӣ» бар уҳда гирифтааст. Ҳадафи террористи маргталаб шиаҳои пешмарга будаанд.