4 муштзани тоҷик барои гирифтани роҳхат ба Бозиҳои олимпии Рио-2016 наздик мешаванд
Душанбе, 20.06.2016 /АМИТ «Ховар»/. Мусобиқаи охирини таснифотии боксчиёни ҷаҳон, ки ҳаққи ширкатро ба бозиҳои олимпии Рио -2016 муҳайё мекунад, дар шаҳри Бокуи Озарбойҷон идома дорад. Дар мусобиқаи мазкур дар қатори 375 иштирокдор 8 нафар боксчиёни тоҷик низ муборизаро барои роҳхати олимпӣ шурӯъ карданд ва 4 нафарашон-Баҳодур Усмонов(56 кг), Шаҳбоз Неъматуллоев(75 кг), Меҳрубон Сангинов(81 кг) ва Ҷаҳон Қурбонов(91 кг) аллакай аз ҳарифони худ мағлуб шуда, муборизаро барои роҳхат аз даст доданд.
Дар рӯзи аввал Анвар Юнусов(60кг) бар намоянадаи Литва Эдгарас Скурделис бо ҳисоби 3:0 ғолиб омада, боксчии покистонӣ Алӣ Аҳмадро бо ҳамини натиҷа шикаст дод ва ба зӯрозмоиҳо 1/8-ниҳоӣ роҳхат гирифт. Акнун Анвар Юнусов 21 июн бо Валентино Доминеко аз Италия вориди ринг мешавад.
Файзен Раҳматшоев дар вазни 52 кг ҳарифони худро аз Эстония(Кирилл Сериков) ва Эфиопия(Абела Кабеде Туфи) мағлуб кард ва ҳамакнун дар рақобати навбатӣ бо Венсенсо Рикарди аз Италия имрӯз мусобиқа меорояд.
Бахтиёри Мирзомуҳаммад, ки дар вазни 69 кг Тоҷикистонро муаррифӣ дорад, ҳарифи худ Даниэл Бабикаро аз Словения саркӯб кард ва дар раунди сеюм бо накаут мусобиқаро ба нафъи худ анҷом дод. Имрӯз Бахтиёр бо Аббос Бороуи олмонӣ қувва месанҷад. Чорумин боксчии кишварамон, ки умеди роҳхати бозиҳои олимпиро аз даст надодааст, Шавкатҷон Раҳимов мебошад. Шавкат дар набарди аввал Енока Мвандил Поулсени даниягиро бо нишондоди 3:0 ноком кард ва дар 1/8- финал зӯрозмоиро бо Рошиэлд Виямси баҳрайнӣ интизор аст.
Ёдовар мешавем, ки дар рақобатҳои бокси олимпӣ танҳо 286 мушткӯбони ҷаҳон (250 мард ва 36 зан) имкон доранд роҳхатҳоро ба даст оварда, барои 13 маҷмӯаи медалҳо мубориза баранд.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
