Аҳли маориф Ваҳдати миллиро таҷлил намуданд

Июнь 27, 2016 12:30

Душанбе, 27.06.2016 /АМИТ «Ховар»/. Бахшида ба 19-умин солгарди таҷлили Ваҳдати миллии Ҷумҳурии Тоҷикистон дар Вазорати маориф ва илми Ҷумҳурии Тоҷикистон ҳамоиши идона доир гардид.
Муовини аввали вазири маориф ва илм Раҳматулло Мирбобоев иброз дошт, ки дар сарзамини сулҳхоҳу фарҳангпарвари Тоҷикистон аз имзо шудани Созишномаи умумии барқарории сулҳ ва ризоияти миллӣ дар Тоҷикистон, ки рӯзи 27 июни соли 1997 дар шаҳри Маскав сурат гирифт, нуздаҳ сол пур мешавад. Имрӯз мо бо итминони комил метавонем бигӯем, ки он ҳадаф ва ҷавҳари ғояи умумимиллӣ, ки ҳукумат ва ҷомеаи ҷумҳурӣ дар ин самт муайян карда буданд, яъне ваҳдати миллии тамоми тоҷикон аз як тараф ва ягонагию иттиҳоди ҳамаи ҳамватанони мо новобаста аз мансубияти миллӣ, нажодӣ ва мазҳабияшон аз ҷониби дигар, имрӯз нахустин самараҳои худро ба бор оварданд,- иброз дошт дар идома Р.Мирбобоев.
Сардори раёсати илм ва инноватсияи вазорат Хуршед Зиёев зикр намуд, ки масъалаи ваҳдати миллӣ барои кишвари ҷавони мо хеле пурарзиш аст, зеро агарчи мо дар роҳи таъмини сулҳу ваҳдат дар Тоҷикистон дар ду даҳсолаи охир корҳои муҳиммеро ба анҷом расонидаем ва ин таҷрибаи мо ҳоло мавриди омӯзишу истифодаи оламиён қарор дорад, вале моро татбиқи чорабиниҳои зиёди дигар дар пеш аст. Дар иҷрои ин кори хайр, ки бешубҳа, аз тарафи наслҳои оянда қадрдонӣ карда хоҳад шуд, бояд ҳар як фарди тоҷик ва тоҷикистонӣ ҳиссагузор бошад. Танҳо дар сурати иҷрои чунин рисолати таърихӣ мо метавонем худро ҳамчун абармардони ҳамсони Мавлоно ифтихори миллат ва Ватан шуморем,-илова намуд Х.Зиёев.
Ҷашни Ваҳдати миллӣ дар дигар муассисаи тобеи Вазорати маориф ва илм низ бо тантана таҷлил карда шуд.

Июнь 27, 2016 12:30

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад