Ҷаласаи навбатии комиссияи ҷамъиятӣ оид ба пешгирии коррупсия дар Хатлон

Қурғонтеппа, 16.06.2016 /АМИТ «Ховар»/. Дар шаҳри Қурғонтеппа  ҷаласаи навбатии Комиссияи  ҷамъиятӣ  оид ба  пешгирии  коррупсия дар назди мақомоти  иҷроияи  ҳокимияти  давлатии  вилояти Хатлон  баргузор гардид.
Дар  ҷаласа  масъалаҳои  ҳамоҳангсозии фаъолияти  комиссияи  ҷамъиятӣ оид  ба  пешгирии  коррупсия  дар назди мақомоти иҷроияи ҳокимияти  давлатии  вилояти  Хатлон бо  мақомоти  давлатӣ  ва  ҷомеаи шахрвандӣ  дар  самти  муқовимат, пешгирӣ ва  мубориза  бо коррупсия  шунида шуд.  Ҳамзамон    ҳисоботи масъулини комиссияҳои  ҷамъиятӣ оид  ба  пешгирии  коррупсияи шаҳру ноҳияҳои  Кӯлоб, Норак, Дӯстӣ ва  Хуросон  ва роҳбарони раёсатҳои маориф ва  тандурустии  вилоят  шунида  шуд.
Инчунин дар  ҷаласа пешниҳоди Агентии  назорати давлатии молиявӣ ва  мубориза  бо коррупсияи Ҷумҳурии  Тоҷикистон  оид  ба  бартараф  намудани камбудиҳои ошкоргардида  вобаста  ба  фаъолияти  комиссияи  ҷамъиятӣ оид  ба пешгирии  коррупсия дар назди мақомоти иҷроияи ҳокимияти давлатии вилояти Хатлон  шунида  шуд
Дар кори ҷаласа намояндаи  Агентии  назорати давлатии молиявӣ ва  мубориза  бо коррупсияи Ҷумҳурии  Тоҷикистон  Сафарзода  Қутбиддин, намояндагони  Раёсати Агентии  назорати давлатии молиявӣ ва  мубориза  бо коррупсияи Ҷумҳурии  Тоҷикистон  дар вилояти Хатлон Ҳикматуллозода  Иззатулло  ва  Раззоқзода  Тамкин  иштирок  намуданд.