Ҳалокати пиёдагардон дар садамаҳои нақлиётӣ

Душанбе, 17.06.2016 /АМИТ Ховар/. 15 июн ронандаи мошини номаълум ҳангоми ҳаракат дар хиёбони Рӯдакии шаҳри Панҷакент, дар рӯ ба рӯи Варзишгоҳи марказии шаҳри мазкур аз уҳдаи идораи воситаи нақлиёт набаромада,  марди 60-солаи сокини ҳамин шаҳрро пахш намудааст, ки дар натиҷа пиёдагард ҷароҳати вазнини ҷисмонӣ бардошта, дар беморхона ба ҳалокат расидааст.
Зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия ронандаи мошини тамғаи ГАЗ-3102, марди 23-солаи сокини шаҳри Панҷакент дастгир карда шуд.
16 июн ронандаи  мошини тамғаи Хундай-Старекс, марди 29-солаи сокини ноҳияи Рӯдакӣ, ҳангоми ҳаракат дар кӯчаи Борбад аз тарафи кӯчаи Шестопалов ба тарафи кӯчаи Абай, дар рӯ ба рӯи кӯчаи Яккачинори шаҳри Душанбе аз уҳдаи идораи воситаи нақлиёт набаромада, марди 35-солаи сокини ноҳияи Восеъро пахш намудааст. Пиёдагард дар натиҷа ҷароҳати вазнини ҷисмонӣ бардошта, дар беморхона ба ҳалокат расидааст.