Ҷавонон бар зидди ифротгароӣ

Душанбе, 21.06.2016. /АМИТ «Ховар»/. Дар Муассисаи таҳсилоти миёнаи умумии рақами 34-и шаҳри Душанбе миёни хонандагони синфҳои болоии муассисаҳои таҳсилоти миёнаи умумии ноҳияи Исмоили Сомонӣ дар мавзӯи «Ҷавонон бар зидди ифротгароӣ» озмуни иншои беҳтарин баргузор гардид.
Озмуни мазкур бо ибтикори  Бахши ҷавонон, варзиш ва сайёҳии ноҳияи Исмоили Сомонӣ бо дастгирии Кумитаи ҷавонон, варзиш ва сайёҳии назди Ҳукумати ҷумҳурӣ дар доираи «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016-2018» барои баланд бардоштании ҳисси хештаншиносии ҷавонон, пешгирии зуҳуроти номатлуб дар байни ҷавонону наврасон ва нагаравидани онҳо ба гурӯҳҳои террористиву экстремистӣ роҳандозӣ  шуд.
— Ҳадаф аз баргузории озмун рушди фаъолияти эҷодии хонандагон, дарёфти истеъдодҳои ҷавон, рушди сифати таҳсилот, тарбияи ватанпарастии ҷавонон ва ҳавасмандии моддию маънавии онҳо мебошад, — зикр намуд Сайалӣ Шаҳобов, мудири Бахши ҷавонон, варзиш ва сайёҳии  ноҳияи Исмоили Сомонӣ.
Ба ғолибон ва 10 нафари дигар барои навиштани иншои беҳтарин Сипоснома ва туҳфаҳои хотиравии Бахши ҷавонон, варзиш ва сайёҳии ноҳияи И.Сомонӣ супорида шуданд.