Аввалин бурди Венесуэла ва Мексика дар Ҷоми Амрико
Душанбе, 08.06.2016. /АМИТ «Ховар»/. Дар доираи даври аввали бозиҳои гурӯҳии Ҷоми Амрико, дар гурӯҳи С дастаи футболи мунтахаби Мексика бо тими миллии Уругвай вохӯрӣ анҷом доданд. Ин дидор хеле ҷолиб сурат гирифта, бо ҳисоби 3:1 ва пирӯзии дастаи мунтахаби Мексика поён ёфт.
Ҳисоби бозӣ аллакай дар дақиқаи 4-ум кушода шуд. Алваро Перейра ба дарвозаи худаш гол зад. Уругваиҳо танҳо дар дақиқаи 70-уми бозӣ тавонистанд ҳисобро баробар кунанд ва ин голро ҳимоятгари дастаи «Атлетико»-и Мадрид Диего Година ба номи худ муҳр зад. Аммо уругваиҳо ҳисоби мусовиро дер нигоҳ надоштанд.
Баъд аз 15 дақиқа собиқадори дастаи мунтахаби Мексика Рафаэл Маркес бо голи задааш имтиёзи тими худро бештар сохт. Дар дақиқаҳои иловагӣ нимҳимоятгари тими «Порту» Эктор Эррера ҳисоби бозиро муайян намуд.
Ёдовар мешавем, ки дар гурӯҳи С дастаи Уругвай бозии дигари худро 10 июн бо тими мунтахаби Венесуэла доир менамояд. Дастаи футболи мунтахаби Мексика бо тими Ямайка дидор анҷом медиҳад.
Имрӯз дар водиҳои Тоҷикистон ҳаво то 42 дараҷа гарм мешавад
Имрӯз дар Агентии назорат дар соҳаи маориф ва илм, Агентии хоҷагии ҷангал, Палатаи савдо ва саноат ва КВД «Тоҷиксуғурта» нишасти матбуотӣ баргузор мегардад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
