Аввалин пирӯзии Аргентина дар Ҷоми Амрико
Душанбе, 07.06.2016 /АМИТ «Ховар»/. Ду дастаи футболи мунтахаби пурқуввати гурӯҳи «Д»-и мусобиқаи Ҷоми Амрико- Аргентина ва Чили бозии аввалини худро баргузор намуданд. Хотиррасон мешавем, ки ҳарду даста дар мусобиқаи соли 2015 ба марҳилаи ниҳоӣ роҳ ёфта, барои дарёфти унвони қаҳрамонӣ мубориза бурда буданд, ки дар натиҷа тими мунтахаби Чили дастболо гардида буд. Акнун дар ин мусобиқаи ғайринавбатӣ, ки ба хотири 100-солагии таъсиси Ҷоми Амрико гузаронида мешавад, ин тимҳои миллӣ шомили як гурӯҳанд.
Бозии тимҳои миллии Аргентина ва Чили дар варзишгоҳи Левайси штати Калифорния баргузор гардид. Дар ин дидор капитани дастаи мунтахаби Аргентина Леонел Месси бо иллати ба пуррагӣ барқарор нашудани вазъи саломатиаш ба майдон набаромад. Нимаи аввали бозӣ бидуни гол ҷамъбаст гардид, ҳарчанд ки футболбозони ҳарду кишвар имкони мусоиди кушодани ҳисобро доштанд. Бозингарон дар майдон бисёр эҳтиёткорона ҳунарнамоӣ карданд. Дар нимаи дуюми вохӯрӣ футболбози клуби ПСЖ ва тими миллии Аргентина Анхел Ди Мария дар дақиқаи 51-уми дидор голи аввалинро таслими дарвозаи мунтахаби Чили намуд.
Баъд аз 8 дақиқа футболбози дигари тими мунтахаби Аргентина Эвер Банега голи дуюми дастаашро ба ҳадаф расонид. Вақти асосии дидор бо ҳисоби 2:0 поён ёфт.
Довар се дақиқаи дигар илова намуд, ки аз он бозингарони мунтахаби Чили истифода карданду аввалин голи худро вориди дарвозаи Аргентина намуданд.
Ҳамин тариқ, дидори тимҳои мунтахаби Аргентина ва Чили бо ҳисоби 2:1 хотима ёфт.
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
