«Аёдати рамазонӣ»-иқдоми нави бахши суғдии ҲХДТ

Хуҷанд, 09.06.2016/АМИТ «Ховар»/.  Роҳбарияти Кумитаи иҷроияи Ҳизби Халқии Демократии Тоҷикистон дар вилояти Суғд вобаста ба фарорасии моҳи шарифи Рамазон иқдоми хайрхоҳонаро пеш гирифта, тасмим гирифтаанд иқдоми хайру эҳсонро бо номи  «Аёдати рамазонӣ», ки ҳадафи он, пеш аз ҳама, аёдати оилаҳои маъюб, яккаву танҳо, собиқадорони меҳнат ва ҳизб, фаъолон, оилаҳои камбизоат ва барҷомондагон мебошад, ба  роҳ монанд. Дар ин замина, дирӯз аз тарафи аъзои маҳфили «Набзи ҷавонӣ» оилаҳои ниёзманд аёдат карда шуда, ба онҳо маводи озуқаи яквақта дода шуданд.
Тибқи иттилои манбаъ, вобаста ба нақшаи тарҳрезишуда дар давоми моҳи мубораки Рамазон аёдати чунин нафарон аз ҷониби ҳизбиёни вилоятӣ дар ҳамаи шаҳру ноҳияҳои вилоят идома хоҳад ёфт.