Бунёди мактаби нав- беҳтарин туҳфа ба хонандагон дар арафаи 25-солагии Истиқлолият

Душанбе, 11.06.2016 /АМИТ «Ховар»/. Дар деҳаи Қарачқуми ҷамоати деҳоти Лоҳутии  шаҳри Конибодом муассисаи нави таълимӣ бо харҷи наздик ба 12 миллион сомонӣ аз ҳисоби маблағҳои буҷети вилоятӣ сохта мешавад.
Тибқи нақша мактаб барои 660 ҷой дар як баст пешбинӣ шуда, он аз таҳхона ва се ошёна иборат буда, фарогири 22 синфхона, маҷлисгоҳ, толори варзишӣ, ошхона ва низоми марказонидаи гармидиҳӣ хоҳад буд.
Бинои таълимӣ соли оянда дар арафаи Рӯзи дониш мавриди истифода қарор дода мешавад.