Дар бозии рафиқона тими Гурҷистон Испанияро шикаст дод

Душанбе, 09.06.2016 /АМИТ «Ховар»/. Қаҳрамони кунунии Аврупо дастаи футболи мунтахаби Испания қабл аз сафар ба Фаронса, бо тими миллии Гурҷистон бозии рафиқона анҷом дод ва аз ҷониби соҳибони майдон мағлуб гардид. Ин бозӣ дар варзишгоҳи «Колисеум Алфонсо Перес» -и шаҳри Хетафа баргузор гардид.
Ҳарчанд футболбозони испанӣ аз оғоз то ба анҷоми дидор ҳамлаҳои пай дар пай менамуданд, вале ҳеҷ имконияти мусоиди голзаниро пайдо накарданд.
Гузашта аз ин, дар дақиқаи 40-уми бозӣ ба ниммуҳофизатгари тими мунтахаби Гурҷистон Торнике Окриашвили имкон доданд, ки тӯбро вориди дарвозаи Давид де Хеа намояд.
Ёдовар мешавем, ки то ин дам тими миллии футболи Испания 9 бозиро бо пирӯзӣ ва ду рақобати дигарро бо натиҷаи мусовӣ анҷом дода буд.