Дар Деваштич Рӯзи байналмилалии ҳифзи кӯдакон ҷашн гирифта шуд

Июнь 1, 2016 12:06

Деваштич, 01.06.2016 /АМИТ «Ховар»/. Дар боғи навбунёди марказии ноҳияи Деваштич бахшида ба Рӯзи байналмилалии ҳифзи кӯдакон ҷашни идонаи бошукӯҳ баргузор шуд.
Раиси ноҳияи Деваштич Рустам Ҷӯразода тамоми кӯдакону наврасонро табрик намуда,  оид ба сифати таълиму тарбия, таъмини ҳуқуқ, ҳимоя ва беҳдошти саломатии кӯдакон самтҳои пешгирифтаи афзалиятноки Ҳукумати Тоҷикистон, хусусан сиёсати хирадмандонаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сухан гуфт.
Дастгирии Ҳукумат, ташкилоту корхонаҳо ва шахсони саховатмандро нисбат ба кӯдакони ятиму бепарастор ва маъюб, оилаҳои камбизоат зикр карда, ба  мудирону мураббияҳои кӯдакистонҳо ва кӯдакони фаъол Ифтихорномаю туҳфаҳои идона тақдим намуд.
Баҳри болидахотирии кӯдакон барномаҳои фарҳангию фароғатии омодакардаи худи наврасон бо шукӯҳу шаҳомати хосса манзури ҳамагон гардиданд.
Дар ноҳия барои баланд бардоштани завқи кӯдакон озмуну маҳфилҳои «Шукуфаҳои Истиқлол», «Мо бачагони хушбахт», «Бонучаи сол», «Мо толиби сулҳем» ва «Мусаввири ҷавон» гузаронида шуданд.

 

Июнь 1, 2016 12:06

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд