Дар Конибодом боз ду корхонаи саноатӣ ба кор сар карданд
Душанбе, 11.06.2016 /АМИТ «Ховар»/. Дар деҳаи Ниёзбеки ҷамоати ба номи Эргаш Шарифови шаҳри Конибодом ду корхонаи нави саноатӣ — корхонаи истеҳсоли гаҷтахтаҳои сақфии ҶСШК «Нуртекс» ва корхонаи тавлидоти гаҷи сохтмонии кооперативи тиҷоратии «Моҳии зарин» ба фаъолият шурӯъ карданд.
Корхонаи истеҳсоли гаҷтахтаҳои сақфӣ дар Конибодом аввалин буда, давоми як сол аз ҷониби мутахассисони ватаниву чинӣ сохта шудааст. Ҳарду корхона дар масоҳати 1,5 гектар ҷой гирифта, дар онҳо технологияи пешрафтаи истеҳсоли Олмон бо арзиши 1 миллион доллар ворид ва насб карда шудааст.
Бартарии дигари корхонаҳо дар он аст, ки тавассути ангишт фаъолият мебаранд. Иқтидори корхонаи гаҷтахтаҳои сақфӣ истеҳсоли 6000 метри мураббаъ ва иқтидори корхонаи «Моҳии зарин» истеҳсоли 100 тонна гаҷи сохтмонӣ дар як шабонарӯз мебошад. Дар корхонаҳои нав беш аз 60 нафар бо ҷои кор таъмин шуданд.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
