Дар ВМКБ машқҳои махсуси тактикӣ барои назорати бехатарии парвози ҳавопаймоҳо гузаронида шуданд
Душанбе, 25.06.16. /АМИТ «Ховар»/. Бо иштироки Вазири корҳои дохилӣ Рамазон Раҳимзода дар ноҳияҳои Ванҷу Рушон ва Язгулом, наздикии сарҳади Афғонистон, машқҳои махсуси тактикии кӯтоҳмуддат барои назорати бехатарии хатти парвози ҳавопаймоҳо гузаронида шуданд.
Тавре ки сомонаи расмии Вазорати корҳои дохилӣ хабар медиҳад, ҳайати шахсии Воҳидоти махсуси ВКД Ҷумҳурии Тоҷикистон зимни баргузории ин машқҳои тактикӣ аз худ маҳорати баланди касбӣ дар шароити кӯҳсор нишон дода, омодагии худро дар мубориза бар зидди ҷинояткорӣ ва хатару таҳдидҳои замони муосир намоиш доданд.
Чунин машқу тамринҳои шартӣ ҷиҳати такмил додани малакаю маҳорат, нерую тавоноӣ, обутоби бадан ва чусту чолокии ҳайати шахсӣ мусоидат менамоянд.
Рамазон Раҳимзода ба кормандони ин ниҳод барои боз ҳам бештар доир намудани тамринҳо ва машқҳои тактикӣ дар шароити кӯҳсор як қатор дастуру супоришҳои дахлдор дода, зикр кард, ки ҳамеша бо хизмати содиқонаю софдилона барои ҳимояи марзу буми Ватани азизамон омода бошанд.
Сафари Вазири корҳои дохилӣ ба ВМКБ идома дорад.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
