Дар Ёвон рӯзи Ваҳдати миллиро ҷашн гирифтанд

Ёвон, 25.06.2016. /АМИТ «Ховар»/. Субҳи имрӯз сокинони ноҳияи Ёвон чун дигар сокинони кишвар дар Боғи фарҳангии ноҳияи Ёвон ҷашни 19 солагии рӯзи Ваҳдати миллиро бо шукргузорӣ аз сулҳу субот бошукӯҳу шаҳомати хосса таҷлил намуданд.
Раиси ноҳия Амирбеки Темур зимни суханронӣ сокинон ва меҳмононро бо ин рӯзи таърихӣ табрик намуда, зикр кард, ки  дар ноҳияи Ёвон бо мақсади дар сатҳи баланди сиёсиву фарҳангӣ истиқбол гирифтани ҷашни Ваҳдати миллӣ ва 25 солагии Истиқлолияти давлатӣ корҳои созандагиву ободонӣ, бунёди корхонаҳои нави истеҳсолӣ, сохтмон ва таъмиру тармими роҳҳои аҳамияти ҷумҳуриявию маҳаллидошта, пулҳо, биною иншоот, муассисаҳои соҳаи маориф ва фарҳанг, баланд бардоштани ҳосилнокии маҳсулоти кишоварзӣ, таъсиси ҷойи кори иловагӣ, кабудизоркунии гулгаштҳо, кўчаву хиёбонҳо, боғҳои фароғативу истироҳатӣ дар меҳвари таваҷҷуҳи доимӣ қарор гирифта, дар ин самт корҳои ташвиқотӣ-тарғиботӣ, эҷодӣ ва омӯзишӣ, ки ба мустаҳкам намудани пояҳои давлатдорӣ, ватандўстӣ, меҳанпарастӣ, ободкорӣ нигаронида шудааст, ба роҳ монда шудааст.
Санъаткорони шуъбаи фарҳанги ноҳия бо барномаи фарҳангӣ хотири иштирокчиёнро болида гардониданд.