Даргузашти Қаҳҳор Маҳкамов
Душанбе, 8.06.2016 /АМИТ «Ховар»/. Қаҳҳор Маҳкамов, нахустин Президенти Ҷумҳурии Тоҷикистон ва узви Маҷлиси миллии Маҷлиси Олии Ҷумҳурии Тоҷикистон имрӯз, 8-уми июн, баъд аз бемории тӯлонӣ дар хонааш дар шаҳри Душанбе дар сини 84-солагӣ аз олам даргузашт. Дар ин бора ба АМИТ «Ховар» наздикони Қ. Маҳкамов хабар дода, афзуданд, ки, тибқи васияташ, ӯро пагоҳ, 9-уми июн дар қабристони Сариосиёи шаҳри Душанбе ба хок хоҳанд супорид.
Қаҳҳор Маҳкамов, 16-уми апрели соли 1932 дар шаҳри Хуҷанд таваллуд шудааст. Солҳои 1982-1986 раиси Шӯрои вазирон ва солҳои 1986-1991 котиби якуми КМ Ҳизби комунистии Тоҷикистон буд. Соли 1990 аз ҷониби Шӯрои олӣ ҳамчун нахустин президенти Тоҷикистон интихоб гардид, вале баъд аз чанд моҳ ба истеъфо рафт. Тибқи қонунгузории Тоҷикистон, ӯ ҳамчун собиқ президент узви доимии Маҷлиси миллии Маҷлиси Олии Ҷумҳурии Тоҷикистон буд.
АМИТ «Ховар» ба пайвандон ва наздикони марҳум ҳамдардии амиқ изҳор менамояд.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
