Дастаи мунтахаби наврасони Тоҷикистон аз шаҳри Бухарест бо медалҳои тилло, нуқра ва биринҷӣ бармегарданд

Душанбе, 28.06.2016. /АМИТ «Ховар»/. Аъзои дастаи мунтахаби наврасони Тоҷикистон   дар олимпиадаи наврасони то синни 15, ки дар шаҳри Бухарест доир гардид, ба дастоварди беназир  ноил шуданд.
Ҳамаи 6 нафар аъзои даста сазовори медал гардида, дар ҷамъбасти дастаҳо бо 104 хол  аз дастаҳои Фаронса (75 хол), Индонезия (88 хол), Юнон (89 хол), Озарбойҷон (74 хол), Туркманистон (41 хол), Арабистони Саудӣ (93 хол)  ва чандин кишварҳои дигар  боло гузаштанд.
Ба ҳайати даста 6 нафар- Фаридун, Алиакбар, Азиз (синфҳои 8), Сунатулло -синфи 9 аз Литсей- интернати тоҷикию русии «Ҳотам ва ПВ», Шукрона Холова ва Таҳмурас Абдурашидов, хонандагони синфҳои 9-и Литсеи хонандагони болаёқати шаҳри Душанбе ғолибони олимпиадаи интихобӣ бо иштироки зиёда аз 150 нафар наврасон аз тамоми манотиқи Тоҷикистон шомил буданд.
Сунатулло бо 32 хол сазовори медали тилло, Шукрона бо 22 хол сазовори медали нуқра, Наиҷо бо 17 хол, Фаридун бо 14 хол, Алиакбар бо 13 хол ва Таҳмурас бо 6 хол сазовори медалҳои биринҷӣ гардиданд.