Дастовардҳои ноҳияи Ишкошим дар замони истиқлолияти давлатӣ

Июнь 27, 2016 10:13

Душанбе, 27.06.2016 /АМИТ «Ховар»/.  Дар даврони истиқлолияти давлатии Тоҷикистон дар ноҳияи Ишкошим ба маблағи умумии 70 миллион сомонӣ 155 иншооту биноҳои таъйиноти гуногун бунёд карда шудаанд, — зикр намуд Асосгузори сулҳу Ваҳдати миллӣ — Пешвои миллат муҳтарам Эмомалӣ Раҳмон зимни мулоқоти хеш бо фаъолон ва сокинони ноҳияи Ишкошим. Сарвари давлат зикр намуд, ки: «Бунёди мактаб ва синфхонаҳои иловагӣ барои 1800 ҷойи нишаст, манзилҳои истиқомативу меҳмонхонаҳо, зиёда аз 51 километр хатти оби нӯшокиву полезӣ, неругоҳи барқи обӣ дар деҳаи Лангар, таҷдиди таҷҳизоти неругоҳи барқи обии Намадгут, хатти интиқоли барқ бо зеристгоҳи 35 киловолтаи Птуп  Вранг, навсозии зеристгоҳҳои Андаробу Ишкошим, хатти интиқоли барқ аз зеристгоҳи Бизмичи шаҳри Хоруғ то зеристгоҳи Андароби ноҳияи Ишкошим ва дигар иншооти навбунёд аз ҷумлаи дастовардҳои ноҳия дар даврони соҳибихтиёрии кишварамон ба ҳисоб мераванд».
Бояд гуфт, ки ҳоло дар ноҳияи Ишкошим чор неругоҳи хурди барқи обӣ фаъолият дошта, дар се соли оянда бунёди 14 зеристгоҳи трансформаторӣ ба маблағи 8 миллион сомонӣ, таҷдиди неругоҳи барқи обии ба номи Отамбеков бо харҷи 15 миллион сомонӣ ва навсозии хатти интиқоли барқ дар масофаи 150 километр ба маблағи сеюним миллион сомонӣ пешбинӣ гардидааст.
Умуман, дар давоми даҳсолаи охир барои пешрафти соҳаҳои мухталифи ноҳия аз ҳисоби буҷети давлатӣ 230 миллион сомонӣ сарф шуда, бо мақсади идомаи корҳои ободониву созандагӣ дар се соли оянда ҷудо гардидани боз 100 миллион сомонӣ маблағҳои буҷавӣ дар назар дошта шудааст. Илова ба ин, аз ҷониби бонкҳо ва ташкилотҳои маблағгузорӣ ба соҳибкорон ва аҳолии ноҳия зиёда аз 80 миллион сомонӣ қарз дода шуда, ҷиҳати рушди соҳибкорӣ аз ҳисоби буҷети давлатӣ 5 миллион сомонӣ қарзи имтиёзнок ҷудо карда шудааст.
Хотиррасон мешавем, ки Президенти мамлакат муҳтарам Эмомалӣ Раҳмон бо сафари корӣ дар ВМКБ қарор дорад.

Июнь 27, 2016 10:13

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон ҳаво рӯзона аз 23 то 45 дараҷа гарм мешавад
ОБУ ҲАВО: Имрӯз дар шаҳри Душанбе ҳаво рӯзона 37+39 дараҷа гарм мешавад
Дар Гулистон барои раисони ҷамоатҳои як зумра шаҳру ноҳияҳои вилояти Суғд курси такмили ихтисос доир гардид
Варзишгари тоҷик Асламҷон Азизов медали нуқраи Чемпионати Осиё миёни ҷавононро ба даст овард
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҚУРБИ АСЪОР: 1 доллари ИМА аз 10.5633 то 10.0000 сомонӣ муқаррар шудааст
Кишоварзони Турсунзода дар майдони 4500 гектар шолӣ кишт менамоянд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳида Тоҷикистон борони кӯтоҳмуддат меборад
Дар Душанбе ғолибони Мусобиқаи байналмилалӣ оид ба волейбол миёни ҷавонони то 23-сола муайян шуданд