Донишҷӯёни тоҷик дар Миср: Сулҳу ваҳдати кишварамонро чун гавҳараки чашм нигоҳбон бошем

Июнь 27, 2016 11:02

Душанбе, 27.06.2016. /АМИТ«Ховар» /. Дар  шаҳраки Насри Қоҳира ба муносибати 19-умин солгарди Рӯзи Ваҳдати миллӣ ҳамоиш  бо иштироки шаҳрвандони тоҷики муқими Миср ва узви Иттиҳоди донишҷӯёни тоҷик  дар Миср  баргузор гардид. Дар аввал насли калонсол оид ба таърихи Рӯзи Ваҳдати миллӣ, ки худ шоҳиди бевоситаи он буданд, маълумот дода, иштирокдорони ҳамоишро бо ин ид табрик гуфтанд. Сипас Ғаюрзода Ҷовидон,  донишҷӯи тоҷик дар Миср дар назди  иштирокдорони ҳамоиш дар мавзӯи  «Таҳия ва имзои Созишномаи истиқрори сулҳ ва ризояти миллӣ дар Тоҷикистон» маърӯза намуда, зикр намуд, ки  сулҳу ваҳдат беназиртарин дастоварди миллати тоҷик арзёбӣ гардида,  таҳкимгари Истиқлолияти давлатиии Ҷумҳурии Тоҷикистон маҳсуб мешаван.  Номбурда иброз дошт, ки  фардои дурахшони тоҷикистониён ба ҳамин ду мафҳуми пурмаъно алоқамандӣ дошта, мо, донишҷӯёнро зарур аст, ки  бо баҳои хубу аъло таҳсил намуда,   ҳамчун мутахассисони баландихтисос  ба Ватан баргашта, дар рушди Тоҷикистони соҳибистиқлол  саҳми босазо гузорем ва сулҳу ваҳдати кишварамонро, ки омили асосии ба мақсадҳои наҷиб расидан аст,  чун гавҳараки чашм нигоҳ дорем. Қодири Давлат, раиси Иттиҳоди донишӯёни тоҷик ҳозиринро ба ваҳдату якдилӣ ҳидоят намуда, онҳоро барои муттаҳид шудан дар атрофи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки  барқарории сулҳу ваҳдати миллӣ дар Тоҷикистон бо номи он кас пайванди ногусастанӣ дорад, даъват карда, аз ҷумла  афзуд, ки имрӯзҳо баъзе шахсон ва гурӯҳҳои нотавонбину кӯрдил  барои манфиатҳои шахсии худ мехоҳанд вазъиятро дар кишвар боз ноором сохта,  дастовардҳои кишвар ва миллати моро, ки аз ҷониби ҷомеаи байналмилалӣ пазируфта шудаанд, зери суол гузоранд. Мо набояд фирефтаи дасисаҳои  онҳо гардем,  ҳушёриву зиракии сиёсиро аз даст надода,  бо рафтори намунавӣ  обрӯву эътибори миллатамонро дар Миср ва тамоми ҷаҳон нигоҳ дорем ва сулҳу ваҳдати кишварамонро, ки ба ивази ҷони ҳазорон нафар фарзандони ин сарзамин  ба даст омадааст, ҳамеша нигоҳбон бошем, -афзуд Қодири Давлат.

Ҳошимхони Абдураҳмонзода,
донишҷӯи тоҷик дар Миср

Июнь 27, 2016 11:02

Хабарҳои дигари ин бахш

Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?