Фаррух Амонатов аз грандҳои шоҳмоти АвруОсиё пеш гузашт

Июнь 20, 2016 12:12

Душанбе, 20.06.2016 /АМИТ «Ховар»/. Дар шаҳри Алмаатои Қазоқистон  мусобиқаи байналмилалии Ҷоми АвруОсиё бо ширкати беш аз 100 шоҳмотбози номӣ багузор гардид, ки дар он Фаррух Амонатов, шоҳмотбози шӯҳратёри тоҷик ғолиб омада, соҳиби 30000 доллари амрикоӣ гардид.
Силсилаи рақобатҳо, ки аз рӯи низоми швейтсарӣ сурат гирифт,  барои грандҳои шоҳмоти АвруОсиё фоҷиабор омад. Дар 22 давр сараввал Шаҳриёр Мамадёров аз Озарбойҷон пешсафиро ихтиёр кард, аммо ду бохти ӯ дар даврҳои минбаъда Баҳодур Ҷабаваро ба сафи пеш баровард. Рақобати ин шоҳмотбоз бо Ян Непомняший мусовӣ ҷамъбаст шуд ва он ба Фаррух Амонатов имкон дод, ки баъди ғалабаи сазовораш бар Шаҳриёр Мамадёров шумораи имтиёзҳояшро бо Ян Непомняший баробар намояд. Аз сабаби он ки ғалабаи Фаррух Амонатов бештар аз Ян Непомняший буд, ӯро ғолиби мусобиқа эълон карданд. Фаррух ҳамагӣ ду вохӯриро мусовӣ анҷом дода, дар 20 бозӣ ғолиб омад.
Дар соли равон ин дувумин пирӯзии шатранҷбози тоҷик дар мусобиқоти байналмилалӣ мебошад. Қаблан Фаррух Амонатов дар шаҳри Тошканд ба мақоми аввал даст ёфта буд.
Фаррух Амонатов зодаи шаҳри Душанбе буда, 13 апрели соли 1978 ба дунё омадаст. Аз шашсолагӣ меҳри шоҳмот ба дилаш ҷой гирифт ва пайваста ба он машғул шуд. Мактаби миёнаи рақами 20-и шаҳри Душанбе ва Донишгоҳи техникии мухобирот ва иттилооти шаҳри Маскавро хатм кард. Дар 7 олимпиада шарафи Тоҷикистонро ҳимоя кардааст.
Ӯ ягона  гроссмейстери байналмилалӣ аз Тоҷикистон мебошад. Фаррух Амонатов дар шаҳри Санкт-Петербург зиндагӣ мекунад ва ба қатори мураббиёни дастаи мунтахаби Русия оид ба шоҳмот шомил аст.

Июнь 20, 2016 12:12

Хабарҳои дигари ин бахш

Ғолибони Мусобиқаи кушоди байналмилалӣ оид ба бокс дар Хуҷанд муайян шуданд
Лигаи футзали Тоҷикистон беҳтаринҳои мавсими 2024/25-ро қадрдонӣ намуд
Дар Турсунзода курсҳои ФИФА барои доварони Тоҷикистон оғоз шуданд
Дастаи мунтахаби наврасони Тоҷикистон (U-17) омодагиҳоро ба Ҷоми ҷаҳон-2025 оғоз кард
Дар Федератсияи футболи Тоҷикистон ҷаласаи Кумитаи маркетинг баргузор шуд
Тоҷикистонро дар мусобиқаи «Ulaanbaatar Grand Slam-2025» оид ба гӯштини ҷудо 12 варзишгар муаррифӣ мекунад
Дар шаҳри Хуҷанд Мусобиқаи байналмилалӣ оид ба бокс байни калонсолон оғоз гардид
Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид
Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд