Иқдоми навбатии ҲХДТ-и Суғд: Гузаштаро наомӯхта, ҳаргиз имрӯзаро натвон сохт

Хуҷанд, 27.06.2016 /АМИТ «Ховар»/. Роҳбарияти кумитаи иҷроияи бахши суғдии Ҳизби Халқии Демократии Тоҷикистон икдоми хуберо пешаи фаъолияти худ кард. Ин навбат бо ҳадафи арҷгузорӣ ва ифтихор аз фарҳангу таърихи пурғановати гузаштагон,  дўст доштани Ватани худ, баланд бардоштани рӯҳияи ватанпарастию, хештаншиносӣ ва нигоҳ доштани анъанаҳои миллӣ ва  ҳамзамон оид ба нақш ва манзалати Асосгузори сулҳу Ваҳдати миллӣ-Пешвои миллат муҳтарам Эмомалӣ Раҳмон дар пойдории сулҳу Ваҳдати миллӣ муаррифии китоби Асосгузори сулҳу Ваҳдати миллӣ-Пешвои миллат  Эмомалӣ Раҳмон «Тоҷикон дар оинаи таърих» -ро ба роҳ монд. Дар ин замина тӯли чанд муддат дар ҳамаи ташкилотҳои ибтидоии ҳизби мазкур, ва ҳамчунин ташкилоту муассисаҳои шаҳру ноҳияҳо мазмуну мундариҷа ва моҳияти он ба иштирокдорон шарҳ дода мешавад.
Ҳадафи иқдоми мазкур -баландбардории хештаншиносии миллӣ, огаҳӣ ёфтан аз таърихи ниёгон ва дар ин замина арҷгузорӣ ба осори гузаштагон аст.