Иҷозатномаҳои дар хориҷа гирифташуда бояд тасдиқ карда шаванд

Душанбе, 10.06.2016/АМИТ «Ховар»/. Ба моддаи 18-и қисми 3-и  лоиҳаи Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият» аз ҷониби вакилони Маҷлиси намояндагон тағйиру илова ворид карда шуд. Тибқи ин тағийрот иҷозатномаҳои дар дигар давлатҳо гирифташуда бо тартиби муқаррарнамудаи қонунгузории Ҷумҳурии Тоҷикистон бояд тасдиқ, яъне легализатсия карда шаванд ё ба онҳо апостил гузошта шавад.
Инчунин ҳадафи дигари ворид намудани тағйирот ба лоиҳаи ин қонун, мутобиқ гардонидани  он ба талаботи қонунҳои Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва  «Дар бораи санадҳои меъёрии ҳуқуқӣ» мебошад.