Ҷилавгирӣ аз интиқоли ғайриқонунии беш аз 600 кг шираи камол ба Қирғизистон
Душанбе, 06.06.2016/АМИТ «Ховар»/. Гумрукчиёни тоҷик аз интиқоли ғайриқонунии 630 килограмм шираи камол ба Қирғизистон ҷилавгирӣ намуданд. Ин миқдор шираи камол зимни гузаронидани амалиёти гумрукӣ дар пойтахт ошкор ва пешгирӣ гардид.
Дафтари матбуоти Хадамоти гумруки назди Ҳукумати Ҷумҳурии Тоҷикистон иттилоъ медиҳад, ки шаҳрванди Ҷумҳурии Тоҷикистон М.А.Б дар ҳамкорӣ бо як нафар шаҳрванди Ҷумҳурии Қирғизистон қаблан нақшаи ҷинояткоронаро барои муомилоти ғайриқонунии шираи камол тарҳрезӣ намуда, маслиҳат менамояд.
Шаҳрванд М.А.Б ҳамзамон бо маслиҳати пешакӣ бо мудири яке аз ширкатҳои пойтахт С. Ҷ дар даҳ зарфи оҳанини ғунҷоишашон 30 кг шираи камолро гирифта, мехостанд тавассути шахсони номаълум ғайриқонунӣ ба ноҳияи Лахш ва ба таври қочоқ ба Қирғизистон интиқол диҳанд.
Ҳангоми гузаронидани назорати гумрукии молу воситаҳои нақлиёт аз ҷониби кормандони дидбонгоҳи гумрукии «Ҷиргатол»-и Раёсати минтақавии гумрукӣ дар шаҳри Душанбе воситаи нақлиёти мусофиркаши тамғаи «Мерседес Бенс Спринтер», рақами қайди давлатиаш S 97-70 АВ, таҳти идораи шаҳрванди Ҷумҳурии Қирғизистон Ш.А.А қарор дошт, боздошт гардид. Ҳангоми азназаргузаронӣ аз дохили бордони мошин 10 адад зарфи оҳанин ошкор гардид, ки дар дохили ин зарфҳо 300 кг шираи камол мавҷуд буд.
Ҳамзамон зимни гузаронидани амалиёти гумрукӣ дар минтақаи шаҳри Душанбе аз анбори яке аз ширкатҳо ки ба шаҳрванд С. Ҷ тааллуқ дошт, 500 қуттича бо навиштаҷоти «шираи камол», 500 қуттича бо навиштаҷоти «решаи ширинбия», ҷамъ 1000 қуттича ва 14 адад зарфи пластикии рангашон зарди ғунҷоишашон 20 кг, ки дар дохилашон моеъи ғафси бадбӯй мавҷуд буданд, ёфта гирифта шуд.
Бояд тазаккур дод, ки ин афроди ҷиноятпеша маводи мазкурро аз кӯҳу саҳро ва талу теппаҳои ҷумҳурӣ ғайриқонунӣ ҷамъоварӣ намуда, бо ин амал ба табиат зарари калон расонида, мехостанд миқдори калони шираи камолро ба таври қочоқ ба Қирғизистон интиқол дода, аз ин ҳисоб даромади муфт ба даст биёранд.
Нисбат ба шахсони қонуншикан М.А.Б ва С. Ҷ парвандаҳои ҷиноятӣ оғоз гардидааст.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
