Имтиёзҳо ба соҳибкорони ватанӣ

Июнь 1, 2016 15:47

Душанбе, 01.06.2016/АМИТ «Ховар»/.  Вакилони  палатаи поёнии Парлумони Тоҷикистон ба  Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» тағйиру иловаҳо ворид намуданд. Ҳадафи он дастгирии давлатии молистеҳсолкунандагони ватанӣ дар ҷараёни идома ёфтани таъсири омилҳои беруна ба иқтисодиёти миллӣ ва тақвияти иқтидори содиротӣ ва воридотивазкунии онҳо арзёбӣ мегардад.
Тибқи ин тағйирот бо мақсади  дастгирии  соҳибкорони воридкунандаи гандум ва коркарди минбаъдаи он,  муътадил нигоҳ доштани нархи орд дар бозори дохилӣ,  таъмини шаффофияти амалиёт оид ба маҳсулоти коркарди гандум на танҳо барои воридот  ва таҳвили гандум, инчунин барои фурӯши  маҳсулоти аз гандум коркардшуда , меъёри 10 фоизи андоз аз арзиши иловашуда татбиқ карда мешавад.
Инчунин ҳисоб ва пардохти андоз аз фурӯши нахи пахта бекор карда шуда, бар ивази он боҷи содиротӣ барои нахи пахта ба андозаи 10 фоиз аз арзиши гумрукии нахи пахтаи содиротшаванда муқаррар карда мешавад. Ҳадафи он коркард ва то маҳсулоти ниҳоӣ расонидани нахи пахта дар кишварамон мебошад. Инчунин ворид намудани тағйиру иловаҳо ба Буҷети давлатӣ барои соли 2016 имтиёзҳои иловагиро барои воридоти  дарахтон, гулу буттаҳо ва гулҳои ороишӣ  аз хориҷи кишвар пешбинӣ менамояд.

Июнь 1, 2016 15:47

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад