Истироҳатгоҳи «Чайка» кӯдакону наврасонро ба истироҳату фароғат фаро гирифт

Июнь 20, 2016 10:54

Душанбе, 20.06.2016 /АМИТ «Ховар»/. Дар қатори дигар истироҳатгоҳҳо, истироҳатгоҳи беруназшаҳрии «Чайка» низ теъдоди муайяни кӯдакону наврасонро аз тамоми шаҳру ноҳияҳои кишвар ба истироҳату фароғат фаро гирифт.
Дар маросими кушодашавии басти аввал, ки бо иҷрои суруди миллӣ ва парафшон гардидани парчами давлатӣ шурӯъ гардид, намояндагони иттифоқҳои касабаи Тоҷикистон ва падару модарон иштирок намуданд. Истироҳаткунандагон бо қироати шеъру тарона дар васфи Ватан, ватанпарастӣ, ҳифзи марзу буми он, арзишҳои миллӣ, иҷрои саҳначаҳои тарбиявӣ ва рақсҳои зебо хотири иштирокдоронро болида гардониданд.
Тавре директори истироҳатгоҳ Нигина Ҷӯраева иброз намуд: «Дар истироҳатгоҳ барои истироҳату тадбирҳои варзишӣ ҳавзи шиноварии пӯшидаи замонавӣ сохта шудааст, ки барои насли наврас ҳангоми гармии офтоб хеле зарур ва имконпазир мебошад. Нуқтаи тиббӣ низ барои солимии кӯдакону наврасон  фаъолият менамояд ва ҳамеша истироҳаткунандагонро аз муоинаи тиббӣ мегузаронад. Китобхона бо адабиёти шоирони классику форс дар ихтиёри истироҳаткунандагон аст ва онҳо дар вақти холӣ метавонанд асарҳои бузургонро мутолиа кунанд».
Бояд зикр намуд, ки насли наврас ояндаи миллат аст ва Ҳукумати Ҷумҳурии Тоҷикистон  ба онҳо диққати лозимӣ равона мекунад.
Дар баробари илмомӯзӣ, ҳамчунин бо роҳбарии мураббии варзиш Пӯлодҷон Ахмедов бозиҳои варзишӣ, аз ҷумла волейбол, шоҳмот, тенниси рӯи миз, футболи хурд ва оббозӣ роҳандозӣ мешаванд.
Ба иттилои масъулин, дар мавсими имсолаи таътил тасмим аст, ки истироҳатгоҳ дар панҷ баст фаъолият намуда, наздик ба 1500 нафар кӯдакро ба истироҳат фаро гирад.
Феълан наздик ба 250 нафар наврас фароғати 12-рӯзаи худро  дар истироҳатгоҳ оғоз намуда,  дар ин давра барои истироҳати дурусти онҳо шароити арзанда фароҳам оварда шудааст. Соли равон дар истироҳатгоҳ барои кӯдакону наврасон ҳавзи шиноварӣ ва майдончаи варзишӣ ба истифода дода шудааст.
Истироҳатгоҳи фароғатии «Чайка» дар дараи хушманзараи Варзоб ҷойгир буда, табиати зебову рангин ва ҳавои  тозаву форами  ин мавзеъ ба фароғати наврасон мусоидат менамояд.

Июнь 20, 2016 10:54

Хабарҳои дигари ин бахш

Иштирокдорони ҳамоиш дар Душанбе ҷойгоҳи Айнӣ дар ташаккули мафкураи миллиро баррасӣ намуданд
РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Бахшида ба он дар Донишгоҳи технологии Тоҷикистон конференсияи ҷумҳуриявии илмӣ-амалӣ баргузор шуд
Дар Душанбе дар мавзуи «Маърифати ҳуқуқӣ-омили муҳими таҳкими давлатдории миллӣ» конфронси байналмилалӣ доир шуд
Мафкураи солим ва дониши мукаммал омили муҳими рушди устувор ва амнияти ҷомеа мебошад
27-28 апрел дар Тоҷикистон ҳавои боронӣ пешгӯӣ мешавад
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд