Конфронс: «Нақши Президенти Ҷумҳурии Тоҷикистон Эмомалӣ Раҳмон дар таҳкими Ваҳдати миллӣ ва ҳифзи дастовардҳои Истиқлолияти давлатӣ»

Душанбе, 11.06.2016 /АМИТ «Ховар»/.   Бо  ибтикори Академияи илмҳои Ҷумҳурии Тоҷикистон дар шаҳри Хоруғи Вилояти Мухтори Кўҳистони Бадахшон Конфронси  илмӣ-ҷумҳуриявии «Нақши Президенти Ҷумҳурии Тоҷикистон Эмомалӣ Раҳмон дар таҳкими Ваҳдати миллӣ ва ҳифзи дастовардҳои Истиқлолияти давлатӣ»  бахшида ба рўзи Ваҳдати миллӣ ва  25-солагии Истиқлолияти давлатии Ҷумҳурии Тоҷикистон  ба кори худ   шурўъ намуд.
Тавре аз маркази матбуоти АИ ҶТ ба мо хабар доданд, дар кори конфронс 35 нафар олимон ва донишмандони муассисаҳои Академияи илмҳоиҶумҳурии Тоҷикистон, муассисаҳои таҳсилоти олии ҷумҳурӣ, устодон ва донишҷӯёни Донишгоҳи давлатии Хоруғ иштирок намуданд.
Президенти  Академияи илмҳои Ҷумҳурии Тоҷикистон Фарҳод Раҳимӣ  оид ба нақши Президенти Ҷумҳурии Тоҷикистон Эмомалӣ Раҳмон дар таҳкими ваҳдати миллӣ ва ҳифзи дастовардҳои истиқлолияти давлатӣ сухан кард
Дар ҷаласаи пленарии конфронс Худобердӣ  Холиқназар — директори Маркази тадқиқоти стратегии назди Президенти Ҷумҳурии Тоҷикистон, Баротзода Файзулло,  директори Маркази исломшиносӣ дар  назди Президенти Ҷумҳурии Тоҷикистон, Кароматулло Олимов,  ноиби президенти Академияи илмҳои Ҷумҳурии Тоҷикистон, Абдураҳмон Муҳаммад,  директории  Институти фалсафа, сиёсатшиносӣ ва ҳуқуқи ба номи А.Баҳоваддинови   Академияи илмҳои Ҷумҳурии Тоҷикистон ва дигарон маърўзаҳои илмӣ  намуда, нақши таърихии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар таҳкиму суботи Ваҳдати миллӣ баррасӣ намуданд.