Корҳои бунёдкориву созандагӣ дар ноҳияи Ашт

Душанбе, 25.06.2016. /АМИТ «Ховар»/. Бахшида ба 25 солагии Истиқлолияти давлатии Ҷумҳурии Тоҷикистон дар ноҳияи Ашт корҳои бунёдкориву созандагӣ бо маром идома дошта, сохтмони коргоҳҳои нав идома дорад.
Аз ҷумла, дар маркази ноҳияи Ашт шаҳраки Шайдон соҳибкори инфиродӣ Пӯлод Ашӯров сохтмони «Сардхона ва маркази хизматрасонӣ»-ро бо арзиши лоиҳавии 1,1 млн. сомонӣ оғоз намудааст.
Ин иншоот дорои иқтидори нигоҳдории 240 тонна маҳсулот буда, барои 30 нафар ҷойи кори доимӣ ва барои 80-100 нафар ҷойи кори мавсимӣ муҳайё кардааст. Айни замон корҳои сохтмонӣ дар ин иншоот идома доранд.