Мактаб ба номи сарбози шуҷоъ-Д.Давлатшоев номгузорӣ гардид
Душанбе, 30.06.2016. /АМИТ «Ховар»/. Дар арафаи ҷашни Ваҳдати миллӣ муассисаи таҳсилоти миёнаи рақами 9-и деҳаи Пушёни миёнаи деҳоти ба номи Худоёр Раҷабови ноҳияи Восеъ ба номи яке аз хатмкунандагони арзандаи он Давлатшоҳ Давлатшоев номгузорӣ гардид.
Ба ин муносибат дар саҳни мактаб ҷамъомади тантанавӣ доир шуд.
Раиси ноҳия Мӯсо Ғафурзода зимни пардабардорӣ аз нимпайкараи мавсуф оид ба ҳаёту фаъолияти начандон тӯлонии Д. Давлатшоев изҳорӣ андеша намуда, зикр кард, ки Д. Давлатшоев ҷавони шуҷову ватандӯсте буд, ки баъди хизмати ҳарбӣ шомили гурӯҳи «Алфа»-и Кумитаи давлатии амнияти миллии Ҷумҳурии Тоҷикистон гашта, дар муҳорибаҳои дараи Камароби ноҳияи Рашт ба муқобили дастаҳои террористӣ далерию шуҷоат нишон додааст. Марҳум ҳангоми таркиши чархбол дар 22- солагӣ аз дасти душманони Ватан умри ҷавонашро бохт.
Ӯ баъди марг бо ордени «Спитамен», дараҷаи ду қадрдонӣ гардид.
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
