Мусобиқаи ҷумҳуриявӣ оид ба варзиши сабук
Душанбе, 16.06.2016 /АМИТ «Ховар»/. Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар майдони марказии шаҳри Душанбе мусобиқаи ҷумҳуриявӣ оид ба варзиши сабук баргузор гардида, ҳадафи он оммавият бахшидан ба намудҳои варзиши сабук ва ҷалби ҳар чӣ бештари ҷавонон ба варзиш буд.
Дар мусобиқаи ҷумҳуриявӣ оид ба варзиши сабук 7 даста аз Вилояти Мухтори Кӯҳистони Бадахшон, вилоятҳои Хатлону Суғд, шаҳри Душанбе ва ноҳияҳои тобеи ҷумҳурӣ иштирок доштанд. Дар мусобиқа 232 нафар варзишгар дар намудҳои мухталифи варзиши сабук, аз ҷумла давидан ба масофаҳои кӯтоҳ ва дароз, давидан бо монеа, ҷаҳидан, эстафета, партоби саққо, диск ва ғайра байни ҳам рақобат намуданд.
Дар мусобиқаи ҷумҳуриявӣ оид ба варзиши сабук дар баробари мардон бонувон низ иштироки фаъол доштанд.
Ба гуфтаи масъулини баргузории чорабинӣ, беҳтарин варзишгарони ин мусобиқа шомили дастаи мунтахаби Ҷумҳурии Тоҷикистон хоҳанд шуд. Пас аз анҷоми мусобиқот ба ғолибони ҷойҳои якум, дуюм ва сеюм медал ва ифтихорномаҳо супорида шуданд.
12 август дар Донишкадаи тиббӣ-иҷтимоӣ, Филиали Донишкадаи рушди менеҷменти Сингапур ва Мақомоти иҷроияи ҳокимияти давлатии ноҳияи Нуробод нишасти матбуотӣ баргузор мегардад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
Имрӯз дар шаҳри Душанбе ҳаво то 39 дараҷа гарм мешавад
Дар Тоҷикистон истеҳсоли равғани растанӣ зиёд гардидааст
Имрӯз дар водиҳои Тоҷикистон ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
