Намоиши китоб дар арафаи ҷашни Ваҳдати миллӣ

Душанбе, 23.06.2016. /АМИТ «Ховар»/. Шуъбаи хизматрасонии махсуси Китобхонаи миллии Тоҷикистон дар арафаи ҷашни Ваҳдати миллӣ намоиши китоб доир намуд.
Дар намоиш наздик ба 40 номгӯй китобҳои тозанашр ва китобҳое, ки солҳои гуногун  доир ба Ваҳдат, якпорчагӣ ва сулҳ интишор ёфтаанд, ба ҳаводорон пешниҳод гардонида шуданд. Китобҳои ба намоишгузошташударо Қ. Восиев «Садафи Ваҳдат —  Пешвои миллат», Душанбе 2016,  Раънои Мубориз  «Нури Ваҳдат», Душанбе 2015, «Назарияи Ваҳдат»,  Душанбе 2012, Ҳ. Муҳаммадзод  «Ваҳдат ҷону мадори миллат», «Ваҳдати миллӣ» (Китобнома), Душанбе 2014, «Эмомалӣ Раҳмон поягузори сулҳ ва ваҳдати миллӣ», Душанбе 2011, «Муқаддимаи идеяи миллӣ», Душанбе 2013 ва ғайраҳо ташкил медиҳанд.