Нашъаҷаллобон ҷазо гирифтанд

Июнь 24, 2016 12:00

Душанбе.24.06.2016/АМИТ«Ховар»/. Ҷураев Далер Раҳмонқулович  қаблан бо ҳукми Суд ба ҷазои маҳрум сохтан аз озодӣ ба муҳлати панҷ сол маҳкум гардида, дар асоси таъйиноти Суди ноҳияи Синои шаҳри Душанбе  аз соли 2004 ба муассисаи ислоҳии сукунат гузаронида шуда, соли 2006 бинобар татбиқи Қонуни Ҷумҳурии Тоҷикистон «Дар бораи авф»  аз адои ҷазои боқимонда озод карда шудааст.
Далер Ҷураев мебоист баъди авф гардидани гуноҳаш  ба хулосаи даркорӣ омада, роҳи дурусти зиндагиро интихоб мекард. Аммо нияти дарёфти пули муфт ӯро оқибат ба даст задан ба ҷинояти навбатӣ водор сохта, дубора  паси панҷараи маҳкама овард.
Суди ноҳияи Исмоили Сомонии шаҳри Душанбе   парвандаи ҷиноятиро  нисбат ба  судшаванда Ҷураев Далер Раҳмонқулович, соли таваллудаш 1979, истиқоматкунандаи шаҳри Душанбе, кӯчаи Яккачинор, бинои № 152, ҳуҷраи 24  бо айбдорӣ аз рӯи моддаҳои 200, қисми 3, бандҳои «в,г,д» ва 32, қисми 1, -289, қисми 2 Кодекси ҷиноятии Ҷумҳурии Тоҷикистон  баррасӣ намуд.
Суд муайян намуд, ки номбурда бо мақсади даст задан ба муомилоти ғайриқонунии воситаҳои нашъадор пешакӣ бо Сироҷи Азамзод маслиҳат менамояд, ки бо воситаи фурӯ бурдани маводи нашъадори навъи героин онро аз шаҳри Душанбе ба шаҳри Маскави Федератсияи Русия интиқол медиҳанд. Бо ин мақсад Д.Ҷураев  бо Сироҷи Азамзод ҳуҷраеро   дар суроғаи шаҳри Душанбе, хиёбони Рӯдакӣ №174 иҷора гирифта, 15 январи соли 2011, тахминан  соатҳои 20-00  маводи нашъадори навъи героинро  ба ин ҷо оварда, қисмҳои ангуштони дастпӯшакҳои яккаратаи тиббиро бурида, 83 адад маводи нашъадори навъи героинро монанди ғилофакҳо тайёр мекунанд.
Ҳамон шаб, тахминан соатҳои 23-00 Сироҷи Азамзод 64 адад маводи нашъадори навъи героинро дар ғилофакҳо фурӯ мебарад. Саҳарии 16 январи соли 2011 Д.Ҷураев   ба суроғаи мазкур омада, Сироҷи А-ро дар ҳолати беҳушӣ дида, ӯро  ба беморхона бурда,  худаш  аз он ҷо ғайб мезанад. Табибон ҳангоми ҷарроҳӣ намудани Сироҷи А. аз дохили шикамаш 64 адад ғилофаки дохилашон маводи рангаш зардчатоб, дар намуди хока ва кулӯхчаҳоро ёфта гирифтанд, ки  аз омехтаи воситаҳои нашъадори навъи героин  иборат буда, вазни умумии онҳо 414 граммро ташкил дод. Дар натиҷаи ин ҳаракатҳо Сироҷи А. боздошт гардида, дар асоси ҳукми Суди ноҳияи Исмоили Сомонии шаҳри Душанбе аз соли 2011 бо айбдорӣ аз рӯи  моддаҳои 200, қисми 3, бандҳои «в,г» ва 32, қисми 1-289 қисми 2 Кодекси ҷиноятии  Ҷумҳурии Тоҷикистон ба муҳлати 9 сол ҷазои маҳрум сохтан аз озодӣ маҳкум гардидааст.
Нисбат ба Д.Ҷураев  бинобар фирор карданаш кофтуков эълон гардид  ва ӯ баъди 4 сол, 4 марти соли 2015 дар ҳудуди Федератсияи Русия дастгир мегардад.
Бо ҳукми Суд   ба Ҷураев Далер Раҳмонқулович ҷазои ниҳоӣ аз рӯи маҷмӯи ҷиноятҳо бо роҳи қисман зам намудани ҷазоҳо 10 сол ҷазои маҳрум сохтан аз озодӣ бо нигоҳ доштан дар муассисаи ислоҳии дорои низоми пурзӯр таъйин гардид.

Июнь 24, 2016 12:00

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон ҳаво рӯзона аз 23 то 45 дараҷа гарм мешавад
ОБУ ҲАВО: Имрӯз дар шаҳри Душанбе ҳаво рӯзона 37+39 дараҷа гарм мешавад
Дар Гулистон барои раисони ҷамоатҳои як зумра шаҳру ноҳияҳои вилояти Суғд курси такмили ихтисос доир гардид
Варзишгари тоҷик Асламҷон Азизов медали нуқраи Чемпионати Осиё миёни ҷавононро ба даст овард
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҚУРБИ АСЪОР: 1 доллари ИМА аз 10.5633 то 10.0000 сомонӣ муқаррар шудааст
Кишоварзони Турсунзода дар майдони 4500 гектар шолӣ кишт менамоянд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳида Тоҷикистон борони кӯтоҳмуддат меборад
Дар Душанбе ғолибони Мусобиқаи байналмилалӣ оид ба волейбол миёни ҷавонони то 23-сола муайян шуданд