Омилҳои таҳкими Ваҳдати миллӣ дар Душанбе баррасӣ мегарданд

Душанбе, 08.06.2016/АМИТ «Ховар»/.Ба ифтихори Рӯзи Ваҳдати миллӣ, ки ҳамасола 27 июн дар саросари кишварамон таҷлил мешавад, ҳафтаи оянда дар Душанбе дар мавзӯи «Омилҳои таҳкими Ваҳдати миллӣ дар шароити муосир: вазъ ва дурнамо» конфронси илмию амалии ҷумҳуриявӣ баргузор мегардад.
Маркази тадқиқоти стратегии назди Президенти Ҷумҳурии Тоҷикистон созмондиҳандаи конфронси илмию амалии ҷумҳуриявӣ буда, дар конфронс иштироки намояндагони масъули   вазорату идораҳои  давлатӣ, олимон, коршиносон, кормандони воситаҳои ахбори омма ва намояндагони корпуси дипломатии муқими Душанбе дар назар аст.
Интизор меравад, ки  иштирокдорони конфронс атрофи паҳлуҳои  тақвияти ваҳдати миллӣ дар  шароити кунунӣ, вазъ ва дурнамои он ибрози назар намоянд.