Пирӯзии соҳибони майдон дар даври 1/8- ниҳоӣ

Июнь 29, 2016 13:40

Душанбе, 29.06.2016. /АМИТ «Ховар»/.   Соҳибони мусобиқа- тими миллии Фаронса бо мушкилии зиёд бар  тими  мунтахаби футболи Ирландия ғолиб омаданду роҳхати марҳилаи ¼- ниҳоии Чемпионати Аврупо 2016-ро ба даст оварданд. Бозӣ миёни ин ду тим мисоли қасосгирӣ буд. Дар ин хусус нимҳимоятгари тими мунтахаби Ирландия Ҷеффри Хендрик дар суҳбаташ  ба The Mirror гуфта буд: голи Вилям Галлас тамоми мардуми кишвари моро хафа карда буд. Умедворам, ки мо натиҷаи хуб нишон медиҳем ва қасдамонро меситонем…
Ёдовар мешавем, ки дар бозиҳои интихобии Чемпионати ҷаҳон фаронсавиҳо бо як гол ғалаба ба даст оварданд ва ирландиҳо аз ҳаққи ширкат дар он маҳрум гардиданд.
Дар ин дидор Мартин О`Нил ҳайати бозингарони дастболои рақобати гузаштаро иваз накард. Дидйе Дешам  ҳамон футболбозонеро ба майдон баровард, ки дар бозӣ бо тими мунхабаи Руминия майдондорӣ карда буданд.                  Ирландиҳо дар дақиқаи дуюми бозӣ бо амалӣ намудани зарбаи 11 метра ҳисобро кушоданд. Роберт Брейди зарбаи 11 метраро, ки дар натиҷаи аз пой афтондани Шейн Лонг довар ба дарвозаи фаронсавиҳо таъйин намуда буд, дақиқ ба ҳадаф расонид. То дақиқаи 57-уми дидор ҳисоби бозӣ 1:0 ба манфиати ирландиҳо боқӣ монд.  Антуан Гризманн бо партофти зебои Сания тӯбро вориди дарвозаи меҳмон намуду ҳисоби бозиро мусовӣ кард. Баъд аз расо се дақиқа ин ҳамлагари клуби «Атлетико»- Мадрид бо партофти Оливер Жируро голи дуюми худро таслими дарвозаи Фаронса намуд. Ин голи тақдирсози Гризманн тими мунтахаби Фаронсаро ба даври ¼-ниҳоӣ баровард.
Тими миллии футболи Ирландия дар муқобили ин рақиби пурқуввати худ бозии хеле ҷолиб нишон дод, вале баъди ин мағлубият Фаронсаро тарк намуд.

Июнь 29, 2016 13:40

Хабарҳои дигари ин бахш

ТИМҲОИ МУНТАХАБИ ЗАНОНАИ МИНТАҚА БА ДУШАНБЕ МЕОЯНД. Пойтахти Тоҷикистон мизбони Чемпионати Осиёи Марказӣ оид ба футбол мегардад
МУБОРАК БОД! Гӯштингирони тоҷик дар рӯзи аввали Чемпионати Осиё соҳиби ду медал гардиданд
Гӯштингирони тоҷик дар Чемпионати Осиё ширкат мекунанд
ФУТБОЛ. Тими мунтахаби занонаи Тоҷикистон дар Чемпионати CAFA-2022 иштирок мекунад
IBA мусобиқаҳои интихобии боксро барои Бозиҳои олимпии Париж-2024 доир намекунад
Лигаҳои футболи Тоҷикистон ва Узбекистон ҳамкории дуҷонибаро баррасӣ карданд
ҶОМИ КФО-2022. «Хуҷанд» дар финали минтақаи марказӣ бо «Суғдиёна» бозӣ мекунад
РОҲИ САФЕД! Варзишгари тоҷик барои иштирок дар Чемпионати ҷаҳон ба Амрико меравад
Ташкилоти ҷамъиятии «Олимпичиёни Тоҷикистон» таъсис ёфт
Аввалин тоҷики муқими Русия сазовори унвони довари дзюдои дараҷаи умумирусиягӣ гардид
Ғолибони шоҳҷоизаҳои Мусобиқаи ҷумҳуриявӣ оид ба гӯштини миллӣ барои дарёфти ҷоми Раиси шаҳри Душанбе муайян гардиданд
Футболбози тоҷик Нуриддин Давронов фаъолияташро дар Ҳиндустон идома медиҳад