Роҳбарони МОНМ дар Минск ҷамъ меоянд
Душанбе, 06.06.2016/ АМИТ «Ховар»/. Фардо, 7 июн дар пойтахти Беларус шаҳри Минск ҷаласаи 16-уми Шӯрои байнидавлатии роҳбарони мақомоти олии назорати молиявии кишварҳои аъзои Иттиҳоди Давлатҳои Мустақил /ИДМ/ оғоз меёбад. Аз Палатаи ҳисоби Ҷумҳурии Тоҷикистон ба АМ ИТ «Ховар» иттилоъ доданд, ки Ҷумҳурии Тоҷикистонро дар ин ҷаласа Давлатзода Дилмурод Ашӯрбек, раиси Палатаи ҳисоби Ҷумҳурии Тоҷикистон намояндагӣ менамояд.
Дар ҷаласаи Шӯро роҳбарони мақомоти олии назорати молиявии кишварҳои ИДМ ширкат намуда, масоили марбут ба фаъолияти Шӯрои роҳбарони мақомоти олии назорати молиявии ИДМ дар давраи байни ҷаласаҳои 15 ва 16, нақши мақомоти олии назорати молиявии кишварҳои ИДМ дар таъмини амнияти иқтисодӣ ва дигар масъалаҳои марбут ба таҳкими ҳамкориро баррасӣ менамоянд.
Интизор меравад, ки роҳбарони мақомоти олии назорати молиявии кишварҳои ИДМ дар ҷаласа эъломия қабул намоянд.
Инчунин нақшаи фаъолияти Шӯрои байнидавлатии мақомоти олии назорати молиявии ИДМ барои соли оянда тасдиқ хоҳад гашт.
Бояд тазаккур дод, ки Шӯрои роҳбарони мақомоти олии назорати молиявии кишварҳои аъзои ИДМ соли 2000 таъсис дода шуда, алҳол 9 кишвари ИДМ, назири Тоҷикистон, Арманистон, Беларус, Қазоқистон, Қирғизистон, Молдова, Озарбойҷон, Русия ва Украина аъзои он мебошанд.
Имрӯз дар шаҳри Душанбе ҳаво то 33 дараҷа гарм мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
