Рушди мақомоти гумрук дар Душанбе баррасӣ мегардад
Душанбе, 27. 06.2016/АМИТ «Ховар»/. «Рушди мақомоти гумрук дар даврони истиқлолияти давлатии Ҷумҳурии Тоҷикистон»-таҳти чунин унвон фардо дар Душанбе конфронси илмӣ- амалии ҷумҳуриявӣ доир мегардад. Конфронси мазкур дар доираи таҷлили санаи барои мардуми тоҷик таърихӣ -ҷашни 25-умин солгарди Истиқлолияти давлатии Ҷумҳурии Тоҷикистон гузаронида мешавад.
Аз Хадамоти гумруки назди Ҳукумати ҷумҳурӣ ба АМИТ «Ховар» иттилоъ доданд, ки дар конфронс масъалаҳои вобаста ба рушди мақомоти гумрук дар солҳои истиқлолияти давлатии Ҷумҳурии Тоҷикистон баррасӣ мегардад.
Интизор меравад, ки иштирокдорони конфронс масъалаҳои марбут ба татбиқи сиёсати гумрукии Ҷумҳурии Тоҷикистон, такмили пояҳои ҳуқуқии фаъолияти гумрукӣ дар Ҷумҳурии Тоҷикистон, ташкили мубориза бо ҳуқуқвайронкуниҳои гумрукӣ, истифодаи технологияҳои нав дар фаъолияти гумрукӣ ва дигар масъалаҳои консептуалии рушди мақомоти гумруки Тоҷикистонро матраҳ намоянд.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
