Семинар: «Мо роҳбарӣ меомӯзем»
Душанбе, 17.06.16./АМИТ «Ховар»/. Дар шаҳри Қурғонтеппа 16 ва 17 июн семинари дурӯзаи омӯзишӣ дар мавзӯи «Мо роҳбарӣ меомӯзем» доир гардид.
Дар семинар гирандагони стипендияҳои президентӣ, идрорпулиҳои раиси вилоят, раисони шаҳру ноҳияҳо ва кормандони бахшҳои ҷавонон, варзиш ва сайёҳии шаҳру ноҳияҳои вилояти Хатлон иштирок доштанд.
Муовини раиси вилоят Хидирзода Махфират таъкид намуд, ки Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ҷавононро дастгирӣ менамояд ва ҷавонон имрӯз барои баланд бардоштани дониши худ имкониятҳои васеъ доранд ва мақсади асосии чорабинӣ фароҳам овардани муҳит барои рушди малакаҳои ҷавонони фаъол ва мубодилаи таҷриба мебошад.
Ҳамзамон зикр гардид, ки гирандагони стипендияҳо ҷавонони фаъол мебошанд ва онҳо метавонанд дар рушду нумуи кишвар, пешгирии омилҳои номатлуб миёни ҳамсолони хеш ва татбиқи сиёсати давлатии ҷавонон саҳми назаррас гузоранд.
Дар ин бора ба АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон хабар доданд.
23 июл дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
