Ширкатҳои сайёҳӣ ва устоҳои ҳунарҳои дастӣ соҳиби бинои нав шуданд

Июнь 21, 2016 16:55

Хоруғ, 21.06.2016 /АМИТ   «Ховар»/.   Дар канори боғи фарҳангию фароғатии шаҳр ва соҳили рӯдхонаи  Ғунд бинои сетабақа бо тарҳи миллӣ қомат афрохт ва рӯзи ҷашни Ваҳдати миллӣ бо ширкати Асосгузори сулҳу Ваҳдат, Пешвои миллат Эмомалӣ Раҳмон он ифтитоҳ хоҳад шуд. Ин бино ба асотсиатсияи сайёҳии вилоят тааллуқ дошта, сохтмони он соли гузашта оғоз ёфт. Сардори ҶДММ «Помирсохтмон» Азизбек Яқубов, ки бунёди ин биноро ба уҳда дорад, изҳор дошт, ки он аз се ошёна, 15 утоқи корӣ, маҷлисгоҳ, осорхона, мағоза барои фурӯши маҳсулоти дастии ҳунармандони маҳалӣ, марказҳои иттилоотии сайёҳӣ ва рушди соҳибкорӣ иборат аст.
Раҳбари маркази рушди ҳунарҳои дастии «Де Памири» Ёралӣ Бердов гуфт, ки дар даҳ соли охир бо кумак ва таваҷҷуҳи бевоситаи  Сарвари давлат ҳунарҳои дастӣ  ба таври бесобиқа рушд карданд ва муштариёни зиёдеро дар миёни сайёҳони дохилию хориҷӣ пайдо намудаанд. То ҳол ҳунармандону устоҳои мардумӣ ягон ҷои муайян надоштанд ва дар пайдо кардани харидорон ва ба фурӯш гузоштани  маҳсулоти худ бо мушкилот дучор мешуданд. Акнун ин  монеа аз пеши онҳо бардошта шуд ва онҳо минбаъд буҷаи оилаи худро аз фурӯши маҳсулоти дастиашон бештар ғанӣ месозанд.

Июнь 21, 2016 16:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд