Таҷлили ҷашни Ваҳдати миллӣ дар Вазорати кишоварзӣ

Июнь 25, 2016 11:21

Душанбе, 25.06.2016. /АМИТ «Ховар»/. Бахшида ба 19-умин солгарди ҷашни Ваҳдати миллӣ дирӯз дар Вазорати кишоварзии Ҷумҳурии Тоҷикистон ҷамъомади тантанавӣ баргузор гардид.
Муовини якуми вазири кишоварзӣ Нусратулло Нозанинзода зикр намуд, ки  имсол таҷлили 19-умин солгарди Ваҳдати миллӣ дар давраи истиқболи 25-умин солгарди Истиқлолияти давлатии Ҷумҳурии Тоҷикистон рост омадааст ва барои сазовор ҷашн гирифтани ин ду санаи воқеан ҳам таърихӣ тамоми мардуми кишвар масъулият ва ифтихори бузургеро ба зимма доранд. Ҳамин аст, ки кишоварзони ҷумҳурӣ бо дарки масъулиятшиносӣ ва ҳисси баланди меҳанпарастӣ аз дастуру супоришҳои ҳамешагии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯҳу илҳоми тоза гирифта,  баҳри сазовор ҷашн гирифтани ин санаҳои таърихӣ, барои пурнозу неъмат гардонидани дастурхони аҳолӣ, ба даст овардани ҳосили фаровони зироатҳои кишоварзӣ ва расидан ба амнияти озуқавории кишвар тамоми саъю кӯшиши худро ба харҷ дода истодаанд.
Муовини директори Институти фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон Хайриддин Идиев оид ба таърих ва моҳияти тақдирсози Созишномаи умумии истиқрори сулҳ ва ризоияти миллӣ сухан гуфт.
Ба ифтихори Ваҳдати миллӣ дар зерсохторҳои Вазорати кишоварзӣ низ чорабиниҳои хотирмон доир гардиданд.

Июнь 25, 2016 11:21

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад