Таҷлили Рӯзи Ваҳдати миллӣ дар Шарқи Дур

Июнь 28, 2016 12:05

Душанбе,28.06.2016/АМИТ «Ховар»/. Дар кишвари Шарқи Дури ФР   Рӯзи Ваҳдати миллӣ бо рӯҳияи баланду ифтихор аз ватандориву оинҳои муқаддаси он аз ҷониби ҳамватанони бурунмарзӣ таҷлил гардид. Дар чорабинии идона, ки дар маркази шаҳри Благовещенск бо ибтикори ҷавонмарди ватандӯст Раҳматҷон Ҷанҷолов ва дигар аъзои фаъоли ҷамъияти тоҷикони Благовешенск баргузор гардид, тамоми ҷамъиятҳои тоҷикони Шарқи Дур, Бирабиҷону шаҳри Комосомоли лаби Амур ва Хабаровск  ширкат варзида, бори дигар нишон доданд, ки онҳо, новобаста аз мавқеъ ва масофаи роҳ ҳамеша якдилу сарҷамъ буда, як ҳадаф доранд-ободиву тинҷии Ватани азизашон, ки бо вуҷуди ҳазорҳо фарсах дур будан меҳри Ватан дар қалбҳояшон абадан маскан дорад. Тавре ки ба мо раиси бонувони тоҷики Хабаровск Моҳтоб Ғафурова иброз дошт, тоҷикон аз азал мардуми сарбаланду сулҳпарвар ҳастанд ва  мо-тоҷикон, аз ҷумла модарони  тоҷик ҳамеша хостори  сулҳу амонии дунё ҳастем.  Дар чорабинӣ намоиши либосҳои миллӣ ва дастурхони идонаи тоҷикон, ки аз хӯрокҳои гуногуни миллии тоҷикона пурбаракат буданд, ҳунарнамоии варзишгарони тоҷик бо намоиши намудҳои  варзиши кёкушинкай, гӯштини миллӣ ва муштзаниву ҷаҳидан ба дарозӣ ҳусни дигар бахшид. Зери навоҳои дилангези овозхонони тоҷик, меҳмонону мизбонон мерақсиданду шодӣ мекарданд.
Дар чорабинӣ дигар меҳмонон аз ҷамъиятҳои Благовешенск ва Бирабиҷону сохторҳои маъмуриву қудратии вилояти Амур ширкат варзида, ба меҳмоннавозиву фарҳанги бои мардуми тоҷик баҳои баланд доданд.

Садбарг Боқиева, Благовешенск, ФР.

Июнь 28, 2016 12:05

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад