Таъмини истироҳати бофароғати хонандагон дар Хатлон

Душанбе, 17.06.16./АМИТ «Ховар»/.  Бо мақсади  таъмини  истроҳати хонандагон дар Раёсати маорифи вилояти Хатлон семинари вилоятӣ бо мутасаддиёни шаҳру ноҳияҳо ҷиҳати хуб гузаронидани таътили тобистонаи кӯдакон ва наврасон дар соли 2016 баргузор гардид, ки дар кори ҷаласа муовини раиси вилояти Хатлон Хидирзода Махфират ва намояндагони маркази санитарӣ-эпидемиологӣ, Хадамоти оташнишонӣ, Бозрасии давлатии автомобилӣ, Раёсати вазорати корҳои дохилӣ, иттифоқи касабаи кормандони соҳаи маориф ва илми вилоят иштирок намуданд.
Сармутахасиси  раёсати маориф Д. Сафаров оид ба ҳолати  истироҳатгоҳҳои хонандагон  сухан гуфт.  Мутасаддиён инчунин  оид ба ташкили кори истироҳатгоҳи беруназшаҳрӣ, майдончаҳои  наздимактабӣ ва пешгирии ҳуқуқвайронкунӣ дар истироҳатгоҳҳо ҳарф заданд.