Ташкили ярмарка-фурӯши маҳсулоти ғизоӣ дар Бадахшон аз ҷониби Агентӣ

Июнь 24, 2016 15:42

Душанбе,24.06.2016/АМИТ  «Ховар»/. Дар арафаи Рӯзи Ваҳдати миллӣ Агентии  захираҳои моддии давлатии назди Ҳукумати ҷумҳурӣ дар шаҳру ноҳияҳои Вилояти Мухтори Кӯҳистони Бадахшон ярмарка- фурӯши маҳсулоти хӯрокворӣ ташкил намуда, ҳудуди  300 тонна маҳсулоти ниёзи аввал, аз қабили орд, шакар, равғани растанӣ, биринҷ ва дигар навъи маҳсулотро ба фурӯш гузоштааст.
Абдукарим Раҳимов, сардори  Раёсати ташкил ва ташаккули сарватҳои моддии захираи давлатии Агентии захираҳои моддии давлатии назди Ҳукумати  ҷумҳурӣ дар суҳбат  ба хабарнигори «Ховар» гуфт,  ки  нархи маҳсулоти  хӯроквории ярмаркаҳо дар қиёс бо нархи бозор нисбатан арзон буда, он бо мақсади ғанӣ гардонидани  хони идонаи сокинони Бадахшон андешида шудааст.
Ҳамзамон Абукарим Раҳимов афзуд, ки дар арафаи Рӯзи Ваҳдати миллӣ ба 545 оилаи аз офатҳои табиӣ дар соли 2015 зарардидаи   Бадахшон  65 тонна маҳсулоти хӯрокворӣ ҳамчун кумаки якдафъаина тақсим карда шуд, ки  ба ҳар як оила ду халта орд, як бастагӣ, ки аз шакар, биринҷ, равған, макарон, намак ва маҳсулоти лубиёӣ иборат аст, рост меояд.
Бояд тазаккур дод, ки Агентии захираҳои моддии давлатии назди Ҳукумати ҷумҳурӣ шурӯъ аз соли  2010 ба сокинони Бадахшон ҳудуди 111 миллион сомонӣ кумак ва маҳсулоти гуногуни ниёзи аввалро ба фурӯш гузоштааст. Инчунин Агентии захираҳои  моддии давлатӣ дар Бадахшон намояндаи ваколатдори худро дошта, дорои  чандин муассисаю корхона ва анборҳост. Яке аз корхонаҳои ордбарории Агентӣ дар ноҳияи Шуғнон воқеъ буда, иқтидори шабонарӯзии он истеҳсоли 50-60 тонна орд мебошад. Инчунин Агентӣ тасмим гирифтааст, ки дар оянда дар ноҳияи Рӯшон анбор барои  нигоҳдошт ва захираи маҳсулоти хӯрокворӣ бунёд намояд.
Бояд тазаккур дод,  ки  соли равон ҷашни Ваҳдати миллӣ дар Бадахшон бо иштироки Пешвои  миллат Эмомалӣ Раҳмон дар сатҳи  баланд таҷлил карда мешавад.

Июнь 24, 2016 15:42

Хабарҳои дигари ин бахш

Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд