Тоҷикистон дорои қонуни рушди туризми дохилӣ мегардад
Душанбе, 07.06.2016/АМИТ «Ховар»/. Дар оянда палатаи поёнии Парлумони Тоҷикистон лоиҳаи Қонуни Ҷумҳурии Тоҷикистон «Дар бораи рушди туризми дохилӣ»-ро қабул хоҳад кард. Алҳол лоиҳаи қонуни мазкур дар марҳилаи таҳия қарор дошта, аз ҷониби гурӯҳи корӣ, ки аз ҳисоби вакилони Маҷлиси намояндагон ва мутахассисону масъулини вазорату идораҳои марбутаи кишвар созмон дода шудааст, мукаммал ва баррасӣ мегардад.
Дар ин росто 7 июн дар Парлумони кишвар ҷаласаи навбатии гурӯҳи корӣ оид ба таҳияи лоиҳаи Қонуни Ҷумҳурии Тоҷикистон «Дар бораи рушди туризми дохилӣ» баргузор гардид. Зикр шуд, ки дар шароити феълӣ рушди туризми дохилӣ яке аз усулҳои муосир ва даромаднок барои кишварҳои рӯ ба рушд, назири Тоҷикистон маҳсуб мешавад. Тавассути рушди туризми дохилӣ имконият фароҳам меояд, ки дар муддати кӯтоҳ ва сарфаи маблағ хадамоти зиёди туристӣ фароҳам оварда шуда, маърифат ва фарҳанги шаҳрвандон дар бахши хизматрасонии туристӣ баланд бардошта шавад.
Бояд тазаккур дод, ки таҳияи лоиҳаи Қонуни Ҷумҳурии Тоҷикистон «Дар бораи рушди туризми дохилӣ» бо истифода аз ҳуқуқи ташаббуси қонунгузорӣ аз ҷониби як гурӯҳ вакилони Маҷлиси намояндагон дар марҳилаи таҳия қарор дорад.
Лоиҳаи қонуни мазкур аз 11 боб ва 65 модда иборат буда, фарогири муносибатҳои ҳуқуқии танзимӣ дар бахши туризми дохилӣ ва рушди ин соҳаи афзалиятнок аст.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
