Тоҷикистонро боз рӯзҳои гарм интизоранд

Душанбе, 28.06.16. /АМИТ «Ховар»/. Мувофиқи пешгӯии ҳавошиносон давоми панҷ рӯзи наздик дар ҷумҳурӣ ҳавои софи бебориш дар назар дошта шуда, ҳарорати ҳаво то ба 43 дараҷа  мерасад.
Бинобар иттилои Агентии обуҳавошиносии Тоҷикистон то 3 июл дар  тамоми ноҳияҳои водии  Тоҷикистон ҳавои соф пешгӯӣ шуда,  рӯзҳои 30 июн -1 июл дар  баъзе ноҳияҳои кӯҳии минтақаи шимолӣ эҳтимоли боридани борони кӯтоҳмуддат дар назар аст. Баландтарин ҳарорат дар ин рӯзҳо  дар  минтақаи ҷанубии ҷумҳурӣ  дар назар дошта шудааст, ки то 43 дараҷа гарм хоҳад шуд. Ҳамчунин дар ин рӯзҳо дар ноҳияи Хатлон ҳавои ғуборолуд дар назар аст. Мизони поинтарин ҳарорат дар ВМКБ буда, интизор меравад  33 дараҷа гарм шавад.
Дар Душанбе ва Суғд низ ҳавои бебориш дар назар дошта шуда, харорати ҳаво   то ба 41 дараҷа гармӣ хоҳад расид .
Тибқи маълумоти Агентии обуҳавошиносӣ,  чунин гармӣ дар охири моҳи аввали тобистон аз рӯи нишондод мувофиқи меъёр дониста мешавад.