Ваҳдат: 465 нафар бо ҷойи кори доимӣ таъмин гардиданд

Ваҳдат, 30.06.2016 /АМИТ «Ховар»/. Раёсати Агентии меҳнат ва шуғли аҳолӣ дар шаҳри Ваҳдат дар шаш моҳи соли 2016 шаш маротиба ярмаркаи ҷойҳои корӣ ташкил намуда, ба воситаи корхонаю муассисаҳо ва бахшу шуъбаҳои шаҳр 465 нафарро бо ҷойи кори доимӣ таъмин намуд.  Инчунин курсҳои касбомӯзӣ ташкил намудаанд, ки 320 нафар, аз ҷумла 219 нафар занҳо бо сертификати касбҳои дӯзандагӣ, қаннодӣ, боғдорӣ, ниҳолпарварӣ, қолинбофӣ, замбӯри асалпарварӣ, омӯзиши компютер ва устои сартарош таъмин шуданд.
Раёсати шуғли аҳолии шаҳри Ваҳдат то ин муддат ба 33 нафар сокинони эҳтиёҷманд 101 ҳазору 200 сомонӣ қарзҳои имтиёзнок додааст, ки ҳоло онҳо ба фаъолияти соҳибкорӣ машғуланд.