Вазири корҳои дохилӣ бо Сафири ИМА дар Тоҷикистон мулоқот кард
Душанбе, 18.06.2016 /АМИТ «Ховар»/. Дирӯз вазири корҳои дохилии Ҷумҳурии Тоҷикистон генерал-лейтенанти милитсия Раҳимзода Рамазон Ҳамро бо Сафири Фавқулода ва Мухтори Иёлоти Муттаҳидаи Амрико дар Ҷумҳурии Тоҷикистон хонум Элизабет Миллард вохӯрӣ доир намуд.
Дар вохӯрӣ ҳамчунин сардори шуъба оид ба ҳамкориҳои низомии Сафорати ИМА Кевин Стил иштирок дошт.
Вазири корҳои дохилӣ Рамазон Раҳимзода хонум Элизабет Миллардро ба муносибати таъин гаштанаш ба вазифаи масъулиятнок табрик намуда, ба ӯ дар ҷодаи фаъолият бурдборию комёбиҳо таманно кард.
Дар ҷараёни вохӯрӣ тарафҳо оид ба масъалаҳои марбут ба густариши ҳамкории дуҷониба дар мавриди мубориза алайҳи ҷинояткорӣ, терроризм, экстремизм ва хатару таҳдидҳои замони муосир табодули афкор намуданд. Зикр гардид, ки чунин вохӯриҳо ба манфиати кор буда, баҳри ривоҷ ёфтани муносибатҳои дӯстона ва ҳамкориҳои муштарак имконияти бештаре фароҳам хоҳанд овард.
Дар ин бора ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
