Зарнисор Набиева бо Дипломи дараҷаи 1 сарфароз гардонида шуд

Душанбе, 09.06.2016 /АМИТ «Ховар»/.Дар шаҳри Петрозаводски Ҷумҳурии Карелияи  Федератсияи Русия аз 19 то 22 майи соли равон  Фестивал-озмуни байналмилалии пианинонавозони  ҷавон таҳти унвони «Ҷаҳон ва мусиқӣ. Русия ва Полша» баргузор гардид.
Аз Ҷумҳурии Тоҷикистон Зарнисор Набиева, хонандаи синфи 8-уми муассисаи таълимии Мактаб-интернати миёнаи махсуси мусиқии ҷумҳуриявӣ ба номи З.Шаҳидӣ дар фестивали мазкур ширкат варзида, бо Дипломи дараҷаи 1 сарфароз гардид.
Дар ин сафар Зарнисор Набиеваро  омӯзгори сози фортепиано Ванда Макиевская ҳамроҳӣ мекард.
Дар консерт ҳайати ҳакамон, ки  аз кишварҳои Беларус, Полша, Эстония ва Русия интихоб шуда буданд    асарҳои иҷрогардидаи З.Набиева — намояндаи Ҷумҳурии Тоҷикистонро  хуш пазируфта,  ба  онҳо баҳои баланд доданд.