Акбар Маҳмудов, рассом ва дизайнери маъруфи тоҷик аз олам даргузашт

Июль 28, 2016 13:48

Душанбе, 28.07.16. /АМИТ «Ховар»/. Аз Вазорати фарҳанги Ҷумҳурии Тоҷикистон иттилоъ доданд, ки 27 июли соли равон  Акбар Маҳмудов, рассом ва дизайнери маъруфи тоҷик, саррассоми Театри давлатии мазҳакаи мусиқии ба номи Камоли Хуҷандӣ, Раиси Иттифоқи дизайнерони вилояти Суғд, Корманди шоистаи Тоҷикистон  дар синни 55-солагӣ ба таври фоҷиавӣ аз олам даргузашт.

Зиндаёд Акбар Маҳмудов Донишкадаи олии ба номи В.И.Немирович-Данченкои шаҳри Москваро хатм намудаст.  Ӯ нозукиҳои санъати театриро аз беҳтарин рассомони он давр омӯхта, ба театри тоҷик  назария, ғоя ва мактаби нави худро ворид кардааст.

Мавсуф  дар тӯли фаъолияти эҷодии худ зиёда аз 110 асарро рӯи саҳна овардааст, ки аксари онҳо дар театрҳои мамлакат ва хориҷи кишвар саҳнавӣ шудаанд.

Ҳамзамон, Акбар Маҳмудов саррассоми аксари чорабиниҳои фарҳангии давлатӣ буда, 1150-солагии бузургдошти Абӯабдуллоҳи Рӯдакӣ дар шаҳри Панҷакент, ҷашни Ваҳдат ва ифтитоҳи варзишгоҳи 20-солагии Истиқлолият дар шаҳри Хуҷанд, тантанаи Иди Наврӯзи байналмилалӣ дар Боғи Миллӣ, ҷашни 20-солагии Истиқлолияти давлатии Тоҷикистон, тантанаи оғози нақби Шаҳристон, ороишоти ҷаласаҳои Созмони Ҳамкории Шанхай дар шаҳри Душанбе ва намоиши «Корвони Наврӯз-2016» аз ҷумлаи беҳтарин намунаи ҳунари ӯ мебошанд.

Мавсуф муаллифи лоиҳаҳои яке аз иншооти барҷастатарини ҷумҳурӣ, аз қабили Маҷмааи фаввораҳо бо муҷассамаи шоҳ Исмоили Сомонӣ ва ҳавзи шиноварӣ, воқеъ дар хиёбони Исмоили Сомонии шаҳри Хуҷанд, ороиши толори «Иҷлосияи тақдирсоз» ва толори «Тоҷикистони соҳибистиқлол» дар осорхонаи навбунёди Қасри Арбоб ва ҳамзамон муаллифи ороиши ҷашнии 20- солагии Иҷлосияи XVI Шӯрои Олӣ буда, дар тармиму ороиши Қасри Арбоб саҳми арзанда гузоштааст.

Июль 28, 2016 13:48

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд