Дар Ҳамадонӣ соҳаи моҳипарварӣ рушд мекунад
Ҳамадонӣ, 30.07.2016. /АМИТ «Ховар»/. Хоҷагии давлатии моҳипарварии «Чубек» дар вилояти Хатлон яке аз калонтарин хоҷагиҳои моҳипарварӣ ба шумор рафта, ҳамасола садҳо тонна гӯшти моҳӣ истеҳсол ва пешниҳоди шаҳрвандон мегардонанд.
Аъзои ин хоҷагӣ дар парвариши моҳӣ таҷрибаи хуб дошта, дар ҳавзҳои моҳипарварӣ намудҳои моҳии ба шароити иқлими минтақа мусоидро парвариш мекунанд. Чанд сол қабл қисми зиёди ҳавзҳои хоҷагии мазкур бекор монда, ба сангоб табдил ёфта буд. Бо дастгирии Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилоят аксари онҳо барқарор карда шуданд. Сол ба сол истеҳсоли гӯшти моҳӣ дар хоҷагӣ афзоиш дода мешавад.
Ба қавли директори хоҷагӣ Раҳимҷон Сараев, масоҳати умумии кӯлу ҳавзҳои хоҷагӣ 327 гектарро ташкил медиҳад ва ҳамасола бо фароҳам омадани шароит ҳавзҳоро аз об пур карда, моҳича мегузоранд. Роҳбарияти хочагӣ ба соҳибкорону кишоварзоне, ки хоҳиши ба моҳипарварӣ машғул шуданро доранд, ҳавзҳои моҳипарвариро ба иҷора медиҳад. Барои таъмини моҳӣ бо хӯрока дар назди хоҷагӣ дар майдони беш аз 120 гектар хоҷагии ёрирасон ташкил карда шудааст.
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
