Дар Беморхонаи ҷумҳуриявии клиникии ноҳияи Данғара 74 амалиёти ҷарроҳӣ гузаронида шуд

Июль 7, 2016 16:48

Душанбе. 07.07.2016 /АМИТ «Ховар»/. Дар ноҳияи Данғара зери роҳбарии Убайдулло Қурбон, профессор,  ректори Донишгоҳи давлатии тиббии Хатлон   аз моҳи феврали   соли равон гурӯҳи сайёр аз ҳисоби табибони ботаҷрибаи шуъбаи микроҷарроҳии реконструктивӣ ва пластикии Маркази ҷумҳуриявии илмии ҷарроҳии дилу раг ва қафаси сина ва Беморхонаи клиникии шаҳрии №5  таъсис ёфта,   аъзои гурӯҳи мазкур  барои амалӣ намудани ҷарроҳии реконструктивӣ ва барқарорсозӣ дар Беморхонаи ҷумҳуриявии клиникии ноҳияи Данғара бомуваффақият фаъолият доранд.
То имрӯз дар беморхонаи зикршуда 74 амалиёти ҷарроҳӣ  бомуваффақият гузаронида шуда,  аз ҷумла  35 нафар  бо ташхиси деформатсияи постравматикии бинӣ ва миёндевор, 5 нафар бо деформатсияи модарзодии бинӣ, 2 нафар бо  бинии бузург (гигантоназия), 1 нафар бо деформатсияи пас аз ҷарроҳии скарии лаби боло,  7 нафар бо контрактураи пас аз сӯхтагии андомҳо,  1 нафар  бо  скари кашандаи постравматикии ҷоғи поён аз тарафи рост  ва  ғайра ҷарроҳӣ  шуданд.
Мавриди зикр аст, ки чунин намуди ҷарроҳӣ дар илми тиб нисбатан душвор маҳсуб шуда, амалӣ намуданашон имконоту шароити махсусро талаб менамояд.   Беморхонаи ҷумҳуриявии клиникии ноҳияи Данғара ба ин талабот ҷавобгӯ буда,   ҳамзамон  бо ба роҳ мондани баргузории амалиёти ҷарроҳӣ, роҳбарияти донишгоҳ  барои омодасозии мутахассисон  дар заминаи ин бемористон асос гузоштаанд.
Хотиррасон менамоем, ки Беморхонаи ҷумҳуриявии клиникии   ноҳияи Данғара  соли 2012  таъсис ёфта, 22 марти соли 2014 бо иштироки  Асосгузори сулҳу Ваҳдати миллӣ- Пешвои миллат, Президенти кишвар муҳтарам Эмомалӣ Раҳмон ба фаъолият шурӯъ намуд, ки  барои бунёду таҷҳизонидани он қариб 100 миллион сомонӣ харҷ шудааст. Ин муассисаи тиббӣ   бо мақсади таъмини хизматрасонии босифату муосири тиббӣ барои як миллиону 100 ҳазор нафар сокинони минтақаи Кӯлоб бунёд гардида, ҷавобгӯйи меъёрҳои байналмилалӣ мебошад. Беморхона дорои имкониятҳои маҷмӯии ташхису табобат буда, дар як вақт ба 150 нафар эҳтиёҷманд хизмати тиббӣ расонида, дорои имконияти хуби ташхису табобат ва гузаронидани амалиёти ҷарроҳӣ  мебошад. Дар беморхонаи мазкур   шароити хуби табобати гиёҳдармонӣ ва тавонбахшиву машқҳои варзишӣ низ муҳайё карда шудааст. Бо ифтитоҳи беморхона 240 ҷойи корӣ фароҳам оварда шуда, 62 нафар табиб, 80 нафар корманди миёнаи тиб, 88 нафар корманди хурди тиб ва мутахассисони техникӣ бо кори доимӣ  таъмин шуданд.

Июль 7, 2016 16:48

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт